Улыны дышето ӟольгыри но шыр

Удмурт Дунне
By Удмурт Дунне 14 января, 2016 11:57
дши

11 номеро искусствоосъя школаысь дышетскисьёс.

Ас калыкедлэсь культуразэ одно ик тодоно, соин тунсыкъяськоно, сое утёно но азинтоно. Этнокультура — со калыклэн визьмыныз, творчествоеныз но чеберлыкеныз тырмытэм шыкыс.

Туж шонер ас вакытаз вераз та пумысен странаысьтымы тодмо дышетӥсь, профессор, суредась Борис Неменский. Со шуиз: «Калык культура — со корка, кытысен пинал потэ дуннеысь искусстволэн сюресъёсыз вылэ». Шаерамы улӥсь калыкъёслэн, нырысь ик удмуртъёслэн, культураенызы Ижысь искусствоосъя 11-тӥ нылпи школаысь пиналъёс тодматско «Искусствоослэн историзы», «Композиция» но «Живопись» урокъёсын. Пиналъёсын тодматским ини удмурт сям-йылолъёсын, праздникъёсын, вашкала удмурт коркан кутӥськись тӥрлыкен, дӥськутэн, кильтыръяськон арбериосын.  Нылпиос мыло-кыдо учкизы искусствоведлэсь Людмила Молчановалэсь удмурт калык костюмлы сӥзем книгазэ. Соосты паймытӥзы вашкала удмурт дэремлэн пужыосыз. Тодӥзы, мар со сыӵе айшон, такъя, чалма, укотуг, йыркерттэт. Синмаськизы шаерысьтымы тодмо художникъёслэн Семён Виноградовлэн, Вячеслав Михайловлэн, Менсадык Гариповлэн, Пётр Ёлкинлэн творчествозылы. Соослэн ужъёсазы зэмос удмурт улон, инкуазь, тусъёс, сям-йылолъёс адӟисько.

Теориез умой сётӥськод ке, пиналъёслэсь визьзэс сайкатӥськод ке, соослэн ужъёссы мур пуштросэн но чеберлыкен пачылмо. Дышетскисьёсмылы тужгес но кельшизы удмурт выжыкылъёс. Кылсярысь, Ксения Муралёвалы ярам «Ӟольгыри но шыр» выжыкыл.

Без имени-2

Ксения Муралёвалэн «њольгыри но шыр» суредэз.

— Одӥг ласянь, татын туж огшоры пуштросэз, мукет ласянь, со мур малпаськонэ уськытэ, — вера Ксения. — Ӟольгыри но шыр туж тупаса улӥллям, куара-ланга поттытэк. Огпол куинь ӟег тысь шедьтӥллям, кизиллям сое, валче ик октӥллям. Куспазы шори люкыны кутскиллям но, одӥг тысьсы пало кылем. Со понна кык эшъёс со быдӟа ченгешонэ вуо. Татысен ик пото куатаськон, вормытъяськон, сук сямъёссы. Шузи ӟольгыри со одӥг тысез кокчалтэ но лобӟе, мед ай, пе, йырйиськись монэ сутоз, ӟегме талалоз. Нош шыр кайгырыса улэ керетэмысьтызы, бӧрысь аслэсьтыз но, эшезлэсь но люкетъёссэс аслаз караз нуллэ но быдэс толэз кӧттыро улэ… Адямиос пӧлын но таӵе учыръёс луо ук, юнме шорысь эшъёс керето, собере пунэмзэ берыктыны выро. Ӟольгыри сыӵе чурыт ӧй луысал ке, быдэс толзэ сютэм ӧй ортчытысал.

Ксениялэн графика амалэн быдэстэм ужез туж усто пӧрмиз. Озьы выжыкыл мынам урокъёсам туж усто визьнодась но юрттӥсь луиз. Нялтас вераса, туэ милям школамылы сётэмын выжыкылъёсты суредасьлэн В. Васнецовлэн нимыз. Таин валче туэ искусствоосъя школаез йылпумъясьёс диплом ужъёссэс сӥзёзы Россиын улӥсь калыкъёслэн выжыкылъёссылы. Тросэз егит усточиосмы бырйизы удмурт калык выжыкылъёсты. Оло, ӵапак соос удмурт калыклэсь чеберлыксэ дуннелы возьматӥсь художникъёслы пӧрмозы.

Вера Дрозденко,  

Иж карысь искусствоосъя

11 номеро школаысь дышетӥсь

 

 

Удмурт Дунне
By Удмурт Дунне 14 января, 2016 11:57
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<