Улонысь кошкиз Афанасий Тубылов

Удмурт Дунне
By Удмурт Дунне Январь 16, 2016 15:56
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Тубылов 4

Афанасий Тубылов.

Толшорлэн кыкетӥ нуналаз улонысь кошкиз Удмурт Республикалэн дано муртэз Афанасий Тубылов.

Афанасий Тубыловлы  туэ 21-тӥ тулыспалэ 87 арес тырмысал. Афанасий Ильич вордӥськиз Можга ёросысь Малая Кибья гуртын. Ужам аръёссэ басьтоно ке, 54 ар пӧлысь 50-зэ со тыршемын кивалтон удысын. 1977-тӥ арысен 1990-тӥ арозь А. Тубылов Удмуртиысь Верховной Советлэн Президиумезлэн председателез вал, со вакытэ ик РСФСР-ысь Верховной Советлэн Президиумезлэн председателезлэн воштӥсез луыса тыршиз. 10 ар ӵоже Удмуртиысь Быръёнъёсъя  комиссиез валтӥз.

Афанасий Тубылов — республикаысьтымы одӥгез тужгес гажамон но адӟем карымон адями вал. Со кивалтон аръёсы Удмуртия странаысьтымы кужмо улосъёс радын возиськиз, экономика юнмаз, жилищно-коммунальной хозяйство азинскиз, шаерысьтымы законъёс выльдӥськизы. Афанасий Ильич 20 ар УАССР-ысь Верховной Советлэн, 10 ар   РСФСР-ысь  Верховной Советлэн депутатсы вал. Озьы ик со трос кужымзэ понӥз Удмуртиын но Россиын быръёнъёсъя системае воштонъёс пыртыны, выль сямен ужез радъяны. Удмуртиысь ЦИК-лэн председателез луыса ужатозяз, республикаямы 15 быръён кампаниос но референдумъёс ортчытэмын.

А. Тубыловлэн сюлмысь тыршемез пусъемын Ужысь Горд Знамя орденэн, сизьым медальёсын но Удмуртиысь кун наградаосын. 2008-тӥ арын со «Удмурт Республикалэн дано муртэз» нимын пусъемын. Удмуртилэн Тӧроез, Правительство, Кун Кенеш мур куректэмзэс веразы ӵыжы-выжыосызлы но матысь муртъёсызлы.

«Удмурт дунне»

Удмурт Дунне
By Удмурт Дунне Январь 16, 2016 15:56
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<