Удмуртиысь Дышетонэз азинтонъя институт поттӥз шаертодонъя электрон пособие

Удмурт Дунне
By Удмурт Дунне Январь 28, 2016 10:45
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
01

«История, литература, культура родного края» учебно-методической пособие.

Туэ понна нырысьсэ люкаськылӥз Национальной библиотекаысь «Удмурт шаер» клуб. Удмуртиысь Дышетонэз азинтонъя институтын со ортчытӥз выль пособиен тодматскон ӝыт.

«История, литература, культура родного края» учебно-методической пособие потӥз электрон амалэн кылем арын коньывуон толэзе. Со бордын ужазы  Дышетонэз азинтонъя институтысь тодосчиос  — Е. Тукмачёва, А. Клементьев, С. Скопкарёва, Д. Пюрияйнен, Т. Русских но Н. Лекомцева. Малы кулэ вал та пособие но солэсь кылдон сюрессэ вераз та авторъёслэн коллективенызы кивалтӥсь Елена Тукмачёва:

—  Дышетон удысын выль стандартъёсъя ужаны кутскимы 2011-тӥ арысен. Соку валамы, удмурт историез, культураез, литератураез дышетонын но выль дисциплинаос, программаос кулэ. Озьы та уж борды басьтӥськимы. Выль пособие юрттоз студентъёслы школаын этнокультурая басьтэм тодон-валанъёссэс радъяны, эскерыны но муромытыны. Азьланяз та электрон бичет борды потоз на ужан тетрадь но хрестоматия.

Пособиын бадӟым саклык висъяське удмурт классикъёслэн К. Гердлэн, Ф. Васильевлэн, О. Поскрёбышевлэн поэзизылы, кылзыны луэ Игнатий Гавриловлэсь но Геннадий Красильниковлэсь вераськемъёссэс. Ӵапак практической ужлэн кулэлыкез сярысь вераз филология наукаосъя кандидат Андрей Клементьев.

13

Туэ понна нырысьсэ люкаськылӥз Национальной библиотекаысь «Удмурт шаер» клуб.

Усто специалист луон но азинскон понна кулэ ас поннад но ялан утчаськыны, тодон-валандэ будэтыны, шуиз филология наукаосъя кандидат Светлана Скопкарёва:

— Пособилэн самостоятельной ужлы сӥзем люкетаз рос-прос валэктэмын, мар со сыӵе, малы кулэ. Удмуртилэн историезлы, этнокультураезлы сӥзем занятиослы дасяськыны тупась темаос но литература сётэмын, возьматэмын, кызьы дунъяно аслэсьтыд уждэ но трос мукетыз.

Выль изданиен тодматсконэ лыктэмъёс учкизы культурая колледжысь «Инву гур» ансамбльлэсь кырӟамзэ-эктэмзэ, Ижысь Г. Красильниковлэн музей-квартираез сярысь фильмез. Кылзӥзы Удмуртиысь журналистлэсь но писательлэсь Владимир Михайловлэсь  кылбур лыдӟемзэ но  тодматскизы шаермылэн историезлы, культураезлы, анай кылэз дышетонлы сӥзем выставкаен.

Галина Семёнова

 

Удмурт Дунне
By Удмурт Дунне Январь 28, 2016 10:45
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<