Удмурт кылъя курсъёсы гожтӥськон мынэ

Удмурт Дунне
By Удмурт Дунне 19 января, 2016 08:25
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
удмурт

Арысь аре удмурт кылэз тросгес но тросгес калык дышетыны мылкыд каре.

1-тӥ тулыспалэ выльысен ужзэс мытозы удмурт кылъя курсъёс. Отчы гожтӥськыны луэ вотэсысь «Удмуртлык» огин но Нациосын ужан политикая министерстволэн сайтэз пыр.

Арысь аре удмурт кылэз тросгес но тросгес калык дышетыны мылкыд каре. 2013-тӥ арын 6 группа гинэ вал ке, кылем арын удмурт кылэз дышетӥзы 14 интыын, 9-эз — Ижын, Сьӧлта но Пичи Пурга черкогуртъёсын, Кез каргуртын, Глазов но Можга каръёсын… Туэ асьсэ дорын курсъёс нуыны дасесь Вавожысь но Вотка карысь дышетӥсьёс.

Та курсъёс кыстӥсько 3 толэзь. Со куспын адямиос удмурт кылын асьсэ сярысь вераны дышо. Нырысетӥ арзэ гинэ соосты уг нуы ни Эшъяськон юртысь методист Ольга Тронина. Со верамъя, курсъёсы вуо пӧртэм адямиос: студентъёс, пенсионеръёс, ужась калык. Кинлы ке удмурт кыл калыкен ужаны кулэ, кинлэн ке песянай-песятаезлэн вераськон кылынызы тодматскемез потэ.

— Удмурт кылэз чылкак тодӥсьтэмъёсыныз ужасько И. Ганеевлэн но Ю. Перевощиковлэн «Марым, лэся» учебниксыя. Кин тросгес тодэ, соослы берыктонъёс тросгес сётъясько. Удмурт ужрадъёсы нуллыны тыршисько, отын соос удмурт культураен тодматско, — вера Ольга Тронина.

Мария Векшина

Туспуктэм басьтэмын вотэсысь

Удмурт Дунне
By Удмурт Дунне 19 января, 2016 08:25