Удмурт кылэз дышетонъя 15 группа усьтэмын

Удмурт Дунне
By Удмурт Дунне Январь 29, 2016 10:25
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

shundy1Толон удмурт кылъя курсъёсы гожтӥськемъёс люкаськылӥзы Эшъяськон юртэ.

Анай кылмес тодыны мылкыд карисьёс трос вылӥллям. «Удмуртлык» огин пыр гинэ 219 адями гожтӥськемын, нош кӧняез ас мылкыдзэс шонерак веразы нимаз дышетӥсьёслы. УдГУ-ысь удмурт кылъя курсэз нуись Елена Булычева вера:

— Дорам дышетскем адямиос эшъёссылы мон доры ветлыны дэмлало. Кылъёсты ассоциациос, серемес веранъёс пыр валэктыны вырисько, дышетскисьёслы мӧзмыт но ӧвӧл, йыразы кылъёс но кылё. Кылем ортчем курсъёсы ик мон доры куриськисъёс быдэс группалэсь ятыр люкаськизы вал.

Удмурт кылэз дышетонъя интыослэн лыдзы йылэ. Туэ, кылсярысь, Удмурт кун университетын 3 группа усьтэмын, кылемаз вал 2, со сяна, группа люкаськемын Вавожын но Вотка карын.

Озьыен, удмурт кылъя курсъёс ужалозы таӵе интыосын:

1. Ижкар, Эшъяськон юрт. Орджоникидзе урам, 33-тӥ «а» юрт;

2. Ижкар, Гуманитарной лицей. Шишкин ульча, 3-тӥ юрт;

3. Ижкар, К. Герд нимо гимназия. Петров урам, 19-тӥ юрт;

4. Ижкар, Дышетонэз азинтонъя институт. Ухтомский ульча, 25-тӥ юрт;

5. Ижкар, Ф. Васильев нимо лыдӟиськон юрт. Пионерилы 50 ар урам, 22-тӥ юрт;

6. Ижкар, Удмурт театр. М. Горький ульча, 73-тӥ юрт;

7. Ижкар, Удмурт кун университетлэн 2-тӥ корпусэз. Университетской урам, 1-тӥ юрт.

Озьы ик курсъёс радъяськозы мукет каръёсын но ёросъёсын:

1. Можга кар, дышетӥсьёсты дасянъя Т. Борисов нимо колледж. Наговицын урам, 33-тӥ юрт;

2. Глазов, дышетӥсьёсты дасянъя В. Короленко нимо институтлэн 3-тӥ корпусэз. Первомайской ульча, 25-тӥ юрт;

3. Кез каргурт, лыдӟиськон юрт. Киров ульча, 12-тӥ юрт;

4. Пичи Пурга черкогурт, гимназия. Школьной урам, 1-тӥ юрт;

5. Сьӧлта черкогурт, лыдӟиськон юрт. Ленин ульча, 1-тӥ юрт;

6. Вавож черкогурт, лыдӟиськон юрт. Интернациональной урам, 51-тӥ юрт.

Курсъёсы гожтӥськыны луэ на. Со понна анкета гожтоно kursy.udmurtlyk.ru вотэсбамын.

Мария Векшина

 

 

Удмурт Дунне
By Удмурт Дунне Январь 29, 2016 10:25
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<