Шаерамы туристъёслы чаклам 60 пала маршрутъёс усьтэмын

Удмурт Дунне
By Удмурт Дунне 21 января, 2016 12:57
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Тол Бабайлэн усадьбаез.

Тол Бабайлэн усадьбаез.

Шаерамы 32 музей ужа, 2 сюрслэсь уно синпелетъёс вань, туристъёслы чаклам 60 пала маршрутъёс усьтэмын. Выль ар праздникъёс куспын отчы шутэтскыны  ветлӥз,  выставкаосты учкиз 81 сюрс 458 мурт.

Тужгес но трос адямиос, куноос вуылӥллям Ижысь цирке, зоопарке, «Лудорвай» заповеднике, Тол бабайлэн усадьбаяз, М. Калашниковлэн но К. Герд нимо музейёсы,  спортъя «Чекерил» комплексэ, «Нечкино»  туризмъя центре.

Арысь аре тросгес калык ветлэ «Лудорвай» музее. Та заповедниклэн кивалтӥсез Ирина Вершинина верамъя, Выль ар праздникъёс куспын гинэ татчы 6 сюрслэсь уно адямиос вуылӥзы.

— Тужгес но лӧптэмын вал нылпиос. Гурезьысь нискылазы, лымы мунёос лэсьтӥзы, табере милям снеговикъёсын нюлэс кушмы вань. Пиналъёс шудон висказы  асьсэды выжыкылэ сюрим кожазы,  кытысь ке нюкысь  потӥсь Яг бабушез адӟыса. Нош выжыкылысь песяй соосты оскытэ на: бен, татӥ лобӟисько вал но, вайёс борды чукаса, уси… Тэшкылиослэн синъёссы ик чиляны кутско.  Азьпала бызьыса мыно, мар вите на отын шуыса. Нош отын — ӝуась гур но пӧсь пыжиськем. Котькуд выжыкылын сямен ик, милям экскурсиосамы, шудонъёсамы ӟечез одно ик ворме уродзэ. Но сюлмысь ужамзы понна тау кароно музейын тыршисьёслы. Сомында калыкез шулдыртыны, шутэтсконзэс пайдаё но тунсыко радъяны, тодон-валан но мылкыд сяна, чидан, кужым кулэ,  — шуэ Ирина Геннадьевна.

Лудорвайысь тол выжыкылэ быдэс семьяосын но, оген-оген но вуылӥзы. Кин ке чебер инкуазетӥ поръян понна, кин ке чумын тунаськон но  удмурт сиёнъёсты веръян вылысь. Котькудзы татысь, усто  шутэтскыса но трос выльзэ тодыса, кошкизы.

Галина Семёнова

Туспуктӥз А. Горбунов

Удмурт Дунне
By Удмурт Дунне 21 января, 2016 12:57