Шаерамы йыло пыэдэн висисьёс

Удмурт Дунне
By Удмурт Дунне Январь 28, 2016 12:41
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated
056914,яйцо,градусник,птичий грипп

висьыны усемъёс пӧлын 78 процентэз кыр пӧйшуръёс, 10 процентэз коӵышъёс но 6 процентэз пуныос.

Пӧлазы вань парсь пыэдэн черламъёс но.

Роспотребнадзорысь специалистъёс ивортэмъя, кы-зӥсьёс-кизьнылӥсьёс берло арня куспын ог 10 сюрс пала луизы, эпидемия вакытлэсь со ог 13 процентлы ичигес луэ. Но пӧлазы ичи ӧвӧл секыт висьыны усемъёс. Парсь пыэдэн черлаз ни 24 мурт. Югдур капчи ӧвӧл Вавож, Вотка, Эгра, Каракулино ёросъёсын но Можга городын.

Матысь арняосы югдур секытгес луыны быгатоз. Угось Россиысь мукет улосъёсын но шараямын ни парсь пыэдэн А(Н1N1) черламъёс. Соин ик та вакытэ уката сак кариськоно: трос калык люкаськылон интыосы потанлэсь возиськоно, улон, ужан интыосысь укноосты ӵемгес усьяно, киосты умой-умой миськылоно, ньылонэз, нырез сылал вуэн гылъяно, тырмыт кӧлоно, витамино сиськоно, сюлмаськонъёслэсь возиськоно. Висьыны усемез шӧдыку, ӝегатскытэк вазиськоно эмъясьёс доры.

Кыӵе тодметъёсыз A(H1N1) вируслэн? Адями черла шуак: ӵукна капчиен сайка, нош ӝыт пыд вылысьтыз усёно кадь луэ, часлы быдэ уродме. Мугор 38,5 градусозь ӟырда, кырмиське «утӥсь» кӧс кызон, югытын, ӵаш карон интыын йыр пильыны ӧдъя, сӥльбыгытъёс вӧсь луо, тыбыр сьӧртӥ тыосты кин ке зӥбе кадь, куд-огез ӧскыны быгатоз.

Элина Кумачёва

Туспуктӥз А. Горбунов

 

 

 

 

 

 

 

Удмурт Дунне
By Удмурт Дунне Январь 28, 2016 12:41 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<