Семён Виноградовлэн адӟытонэз усьтӥськоз

Удмурт Дунне
By Удмурт Дунне 21 января, 2016 12:35
С. Н. Виноградов. Кенэз дӥсян.

С. Н. Виноградов. Кенэз дӥсян.

Шаерысьтымы калык художниклы Семён Виноградовлы 27-тӥ январе тырмоз 80 арес. Юбилееныз валче Ижысь Суредан искусствоосъя музейын 21-тӥ толшоре усьтӥськоз «Удмуртия С. Виноградовлэн синъёсыныз» адӟытон.

Семён Николаевичлэн та 7-тӥез бадӟым выставкаез луоз. Суредан искусствоосъя музейын утиськись ужъёсыныз сяна, та адӟытонын тодматскыны луоз художниклэн выль суредъёсыныз. 20-лэсь уно выль картинаос музее вуттэмын ини, отын суредамын инкуазь, тодмо адямиос. Пӧлазы  ик «Тулыс кизён» уж. Таиз бордын усточи кема тыршиз.  Кыӵе пӧрмем куинь метръем картина, дунъялозы ини учкисьёс.

— Юбилеен валче нокыӵе кузьым уг возьмаськы, соосты тырон инты но ӧвӧл ни. Выставкаме радъясько выль ужъёсме возьматон, эшъёсын адӟиськон понна. Кин тодэ, оло, собере персональной выставка лэсьтыны уз пӧрмы ни. Соин ик кинлэн лыктэмез потэ, ваньдэс витисько, шуэ Семён Виноградов. 6+

Галина Семёнова

 

 

Удмурт Дунне
By Удмурт Дунне 21 января, 2016 12:35