Сценарийёслы сӥзем конкурс йылпумъяськиз

Удмурт Дунне
By Удмурт Дунне Январь 15, 2016 08:20
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
chirkova vera

Эгра ёросысь Кабачигуртысь библиотекарь Вера Чиркова.

Литературалэн арезлы сӥзьыса, республикаысьтымы Калык творчествоя юрт «Книгалэн историез» конкурс ялӥз вал. Сценарийёслы сӥзем вожвылъяськонын вормисьёс тодмо ини.

Ӟуч но удмурт произведениосъя сценкаос, сценарийёс гожтыны мылкыд карисьёс трос люкаськиллям. Конкурсэ ужъёссэс ыстӥллям 11 ёросъёсысь, Ижысь но Сарапулысь библиотекарьёс, дышетӥсьёс, клубын тыршисьёс. Тужгес но мыло-кыдоесь вал эграос, соослэсь вуиз 9 сценарий,  камбаркаос 8 уж гожтӥллям, 4-зэ — шарканъёс, 3-зэ — пургаос. Дунъясьёс учкизы ваньзэ:  пуштроссэ, быдӟалазэ, гожтэм амалзэ но аспӧртэмлыксэ. Озьы вормисе потӥзы Эгра, Балезино, Пичи Пурга, Яр но Шаркан ёросъёсысь книга яратӥсьёс. Ӟуч сценарийёс пӧлын устоез луиз Эгралась ёрос библиотекаысь методикая отделэн кивалтӥсьлэн Валентина Гордеюклэн ужез. Валентина Геннадьевна пиналъёсын дасяз А. Грибоедовлэн произведениезъя сценка. Удмурт кылын гожтэм сценарийёсъя нырысетӥ интые потӥз Шаркан ёросысь Алёна Савельева «Нылкышно сюлэм» уженыз, кыкетӥ луиз Эгра ёросысь Вера Чиркова «Удмурт нылпиослэн эшсы» сценариен, куинетӥ инты басьтӥз Яр ёросысь Валентина Наумова «Озёрка палась Выль ар пумитасьёс» гожтэменыз.

Эгра ёросысь Кабачигуртысь библиотекарь Вера Чиркова 25 арлэсь кема ини покчиосты но бадӟымъёсты книгаен эшъяськытэ, лыдӟиськыны яратон сям пыӵатэ. Сценарийёс гожъяны со дышемын ини. Валля арын инкуазез утёнлы сӥзем творческой уженыз кыкетӥ инты басьтӥз вал.

— 2014-тӥ арын нылпи писательлы Аркадий Клабуковлы 110 ар тырмиз. Та гожъяськисьлэн кылбуръёсызъя ик клубын ужасьёсын сценка дасямы. Тютю Макси, Ӵушъял, Гондыр но кылбуръёсысьтыз мукет геройёс вуылӥзы школае. Нылпиосты тодматӥзы А. Клабуковлэн улон  сюресэныз, собере, кылбурысь кылбуре выжыса, мадизы писательлэсь творчествозэ.  Та писательлэн, фольклористлэн книгаосызлы презентация но ортчытӥмы. Нылпиос  ӟучомыса будо, удмурт литератураен  пӧртэм амалъёсын (сценкаосын, адӟытонъёсын) тодматскон соослы тунсыко потэ, йыразы кыле. Соин ик та ужмес азьланьтомы, Литературалэн арез йылпумъяськиз ни ке но, — шуэ Вера Чиркова.

Галина Семёнова

Туспуктӥз Марина Сергеева

Удмурт Дунне
By Удмурт Дунне Январь 15, 2016 08:20
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<