Пичи Пурга ёросысь пиналъёс визь-нод люказы Москваын

Удмурт Дунне
By Удмурт Дунне Январь 3, 2016 12:49
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
p23_petrov01

Пичи Пурга ёросысь нылпиосын кивалтэ Уром школаысь физикаен дышетӥсь Геннадий Петров.

Толшорлэн нырысетӥ нуналъёсаз ик  кузь сюрес вылэ потозы Пичи Пурга ёросысь Уром, Гожня, Вуж Мӧнья но Кечол школаосысь нылъёс но пиос.

Каникулъёссы бырытозь, соос городын «Арлэн дышетӥсез» проектъя ужась тол школаын визь-нод люкалозы. Пичи Пурга ёросысь нылпиосын кивалтэ Уром школаысь физикаен дышетӥсь Геннадий Петров.

— Тол школае 8-тӥзэ мынӥськом ини, со туэ Москваын ортчоз, — вера Геннадий Савватьевич. Нош гужем та школа инкуазез утёнъя экспедицилы пӧрме. Со Россилэн пӧртэм сэрегъёсаз ортче. Туэ Пермь улосысь Горнозаводск ёросэ люкаськылӥм. Шумпотыса вераны луэ, 2012-тӥ арын экспедициез Шаркан ёросын ортчытыны быгатӥмы. Быдэс Россиысь лыктэм визьнодасьёслы лымшор удмуртъёслэсь «Шыр сюан» сям-йылолзэс возьматӥмы.

Нылпиос тол школаын но гужем экспедициын ог-огенызы тодматско, эшъясько,  трос вылезлы дышо. Отысь бертыса, ог-огзылы гожтэтъёс лэзьяло, Интернет пыр герӟаськыло.

Нылпиос дышо калык пӧлын асьсэды возьыны, бадӟым аудитория азьын вераськыны.

Нимысьтыз тау кареме потэ анай-атайёслы, кудъёсыз нылпиоссы понна уксёзэс уг жаляло, соослэсь тодон-валан дуннезэс паськытатыны но будэтыны юртто.

Любовь Тихонова

Туспуктӥз А. Горбунов

 

 

 

 

Удмурт Дунне
By Удмурт Дунне Январь 3, 2016 12:49
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<