Можга ёрос эмъюртлэн усьтӥськиз выльдэм корпусэз

Удмурт Дунне
By Удмурт Дунне 26 января, 2016 10:28
NIK_4638 фото Карипов Э

Туэ гужем татын ик ужаны кутскоз сэр висёнъёсъя центр.

Удмуртилэн Тӧроез А. Соловьёв вуылӥз Можга ёрос больницае, отын декабре усьтӥськиз выльдэм корпус.

Можга стационарлэн ёзъёсыз вазен интыяськемын вал ӟоскыт сэрегъёсы, соос пӧлысь кыкез ужаз «Юбилейная» кунокуалэн вуж юртаз. Выль эмъян корпус усьтӥськем бере югдур тодмантэм воштӥськиз. Та но ваньмыз ӧвӧл на: туэ гужем татын ик ужаны кутскоз сэр висёнъёсъя центр. Таяз тазалыксэс йӧнатозы  Можга, Грак, Алнаш, Кизнер, Вавож ёросъёсын улӥсьёс. Али со центре эмъян тӥрлык басьто ни.

А. Соловьёв Можга городысь кивалтӥсьёсын кенешиз на. Огкылэ вуэмын: «Юбилейная» кунокуаысь бушам интыосты выльдозы,  32 квартира лэсьтозы, соосты люкылозы дышетӥсьёслы но эмъясьёслы.

«Удмурт дунне»

Туспуктӥз Э. Карипов

 

 

Удмурт Дунне
By Удмурт Дунне 26 января, 2016 10:28