Марлэн дуныз кулэсмоз но марлэн будоз? Туэысен пыӵаны кутскизы выль законъёс

Удмурт Дунне
By Удмурт Дунне 21 января, 2016 11:51
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

машина  Тыриськонъёс

  1. Административной кодексэ (КоАП) воштонъёс пыртэмын. Сюрес вылын правилоосты тӥям водительёслы луонлык сётӥське штрафлэсь ӝынызэ гинэ тырыны. Но со понна тыриськонэз пытсано штрафлы протоколэз басьтэм дырысен 20 нунал куспын (штраф тырыны огъя сётӥське 60 нунал). Со сяна, штрафлэсь ӝынызэ гинэ тырон понна со 500 манетлэсь уногес луыны кулэ.

Штраф кулэстэмын уз луы секыт йыртэмасьёс понна: кудӟем йырын, светофорлэн  тылыз горд дыръя яке пумит полосаетӥ ворттылӥсьёс, ӝоглыксэс будэтэмзы понна трос пол шедьылэмъёс.

Машиналэсь укнооссэ укыр зол сьӧдмась водительёс понна тыриськон 500-ысен 1 сюрс 500 манетозь будӥз.

  1. домСюрес вылын мынон-ветлон правилоосты тӥям понна штрафъёсыз пытсамын ӧвӧл ке, алимент уг тыры ке, тыриськонъёсыз 10 сюрс манетлэсь ортчемын ке, судъя приставъёслы луонлык сётэмын сыӵе адямилэсь правозэ 1 арлы таланы яке сое 50 час ужатыны. Тыриськонъёсты пытсам бере правоез берыктозы.
  2. Нюлэс басьтон сярысь документъёс ӧз луэ ке, нимаз адями 25 сюрс манетозь тыриськоно луоз, огазеяськон — 200 сюрс манетозь.
  3. Улон инты понна тыронъёсты ӝегатэм понна пеня 11 процент луоз. Шуом, ЖКХ понна тыриськонлэн быдӟалаез 10 сюрс вал ке, со 3 толэзь ӵоже пытсамын ӧй вал ке, пеня 2 сюрс манет люкаськоз.

кошелёкУждун но пенсия

  1. 1-тӥ январьысен 4 процентлы йылтэмын ичизэ тупатэм уждун (МРОТ), солэн быдӟалаез 6 сюрс 204 манет луиз.
  2. Пенсиос лыдъясько, баллъёсты лыдэ басьтыса. Та вакытэ ужасьёслы выль системая перерасчёт лэсьтӥськоз, вуоно пенсизы быдэсак выль амалъя лыдъяськоз ни кылем арын 1-тӥ январьысен ужаны интыяськем егитъёслэн. Та выльдӥськон чик уз шӧдӥськы 1-тӥ группаысь инвалидъёс, 80 ареслэсь ортчем адямиос вылын.
  1. Ужасьтэм пенсионеръёслэн пенсиоссы февраль толэзе ӝутэмын луозы 4 процентлы. Ужась пенсионеръёслэн со йылтэмын уз луы. Со понна стажзы борды ватсаса баллъёс люкаськозы. Озьы накопительной люкетсы йылоз. Азьланяз со пайдаен шӧдӥськоз пенсизы вылын.

санкции турцияСанкциос

Турцилы пумит санкциос чурытомизы. Та кунысь Россие пыртыны лэземын ӧвӧл емышъёсты, сӥль, чорыг, йӧл сиён, мульы, сылал. Озьы ик кунамы уз вуы ни Турциын поттэм дӥсь но пыдкук.

1-тӥ январьысен Турцие шедён понна одно ик кулэ виза.
Турциысь адямиослы Россиын ужаны лэземын ӧвӧл. Та кунлэн лэсьтӥськонъя огазеяськонъёсыз но Россиын ужамысь дугдозы.
Украинаысь товаръёсын Россиын эркын вуз карон дугдытэмын. Вузэз асьме доры поттон понна отысь ужбергатӥсьёс пошлина тыроно луозы.

ребенокКапчиятонъёс

  1. Адямилэн недвижимостез 5 ар талэсь азьло яке солэсь вазьгес басьтэмын ке, сое вузам понна выт тыроно уз луы. Азьвыл та дыр 3 ар гинэ вал.

Капчигес луоз дышетскем, эмъяськем понна вытъя 13 процентъем вычет басьтыны. Со понна вытъя ёзъёсы вазиськоно уз луы, документъёсты дасяны кулэ ужан интыын. Куриськонэн вазиськыны луэ, выт тырон вакыт (налоговый период) йылпумъяськытозь.

  1. Инвалид нылпиосты будэтӥсь семьяослы луонлык сётэмын анай капиталысь уксёез пиналзэс эмъян вылысь кутыны.

 

 

Удмурт Дунне
By Удмурт Дунне 21 января, 2016 11:51