Лымыос усьыло юг-юг…

Удмурт Дунне
By Удмурт Дунне Январь 18, 2016 16:01

Нюлэс кушын огназ куасьмыны кутскем батыр кыз пӧсь шундыез но кынтӥсь тӧлъёсыз ӧз чида ни — горд лысъёссэ куашкатӥз… Таӵе суред син азе пуксе, Евгений Андреевез малпаса.

Уфаысь театр институтэз йылпумъяса вуэм егитъёс пӧлысь огез тужгес син шоры йӧтымонэз вал. Тусбуйын но — гордпыръем йырсиё, гудырес куараё. Ӟырдыт пуш кужыменыз но висъяськылӥз. Юнме-а солы М. Коноваловлэн «Гаян» романэзъя спектакльын (Е. Загребинлэн инсценировкаез) валтӥсь ролез сётӥзы. Пугачёвлэн отрядысьтыз удмуртъёслэн азьветлӥсьсы ӵапак Евгений Андреевлы тупаз. Пыраклы син азе кылиз, та рольын мукет муртэ син азе ик пуктыны шуг. Зэмлык понна, удмуртъёс понна нюръяськись геройёссэ берло но адӟылӥм сцена вылысь: «Атас Гири», «Лысву сямен уг тӧлӟы синкыли», «Шудо-а тон, атай юрт?» но мукет спектакльёсысь.

15 ар (1989-тӥ-2004-тӥ аръёсы) «Катанчи» театрын ужакузы но, кызьы тодазы ваё эшъёсыз, Женятэк уг луы вал. «Лӧпшо Педуньлэсь кышнояськемзэ» пуктыкумы, пе, кулэ интыяз со сач гинэ тупась предложение, рифма лякылӥз. Мукет дыръя, мукет учыръёсы но улонысь тырмымтэосты ирония, серем пыр ӵушкалляз, мылкыдыз солэн кылбур чуръёсаз кисьтӥськылӥзы. Удмурт кылын но, ӟуч кылын но. «Кылзы ай, таӵе кылбуре вань», — вазиськоз вал, эшъёссэ пумита ке. Лыдӟе — отын ик шундэктэ но, гудыртэ но. Улонысьтымы пӧськыосты шараясь чуръёссэ кытын ке печатлалозы шуыса осконэз ӧвӧлэн ик, лэся, нокытчы ӧз сётъялля.

Уфаын дышетскыкуз, Женя Андреев Евгений Евтушенколэн «Братская ГЭС» поэмаысьтыз «Казнь Стеньки Разина» люкетсэ туж быгатыса лыдӟеменыз ваньзэ паймытэм. Та поэтэз яратонэз сюлмаз весяк улӥз. Сыӵе гомась, лопыръясь мылкыдзэ мон туж ӟеч шӧдӥ, кӧня ке ар талэсь азьло Е. Евтушенко Ижкаре вуылыку. Соин пумиськыны луонлыклы Е. Андреев пинал мурт кадь шумпотӥз. Удмурт кун филармонилэн залаз вал со. Ӝытсэ йылпумъяса, Евгений Евтушенко лыдӟисьёсызлы автографен книгаоссэ дэмлаз. Андреев лобӟыса ик мынӥз тодмо ӟуч поэт доры. Книгазэ басьтыкуз, тулкымъяськыса вераз, мон но, пе, Евгений, туж яратӥсько кылбуръёстэс, быдэс творчестводэс. Евтушенко соку шуиз: «Очень приятно. Ты Евгений, я Евгений…» Ӟеч мылкыд сӥзьыса, книгаяз гожтӥськиз.

Идут белые снеги,

Как по нитке скользя.

Жить и жить бы на свете,

Но, наверно, нельзя…

Идут белые снеги,

Как во все времена,

Как при Пушкине, Стеньке,

И как после меня…

…Если будет Россия,

Значит, буду и я!

Е. Евтушенколэн та чуръёсыз, Женялы но сӥзьыса, гожтэмын кадь.

Татьяна Чернова

Удмурт Дунне
By Удмурт Дунне Январь 18, 2016 16:01
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<