Кылем ар понна лэсьтӥськисьёс 639 сюрс квадрат метр улон интыос ӝутӥзы

Удмурт Дунне
By Удмурт Дунне Январь 27, 2016 15:25
023198,строительство новых домов,новостройки,подъемный кран

«Егит семьяослы — улон инты» программа чотын 7 сюрс семьяос корка пырон лэсьтӥзы.

Лэсьтӥськисьёс 2015-тӥ арлы пуктэм ужпумез быдэстӥзы: 639 сюрс квадрат метр улон интыос ӝутӥзы, валля арынлэсь со кӧня ке тросгес луэ.

Бен, берло дыре улон инты басьтӥсьёслэн лыдзы ог 30 процентлы кулэсмиз, угось ипотекалы кредитъёс бадӟымазы. Но адямиослэн коньдонзы ӧвӧл шуыны уг луы — банкын вкладъёссы 2 ар куспын 3 поллы тросгес луизы. Озьыен, экономикаын югдур тупатӥськиз ке, улон интызэс паськытатыны мылкыд карисьёс нош ик трос луыны быгатозы. Соин ик туэлы но ужпум пуктэмын: юртъёс кылем арынлэсь ичигес ӝутоно ӧвӧл!

Мукетыз ужпум: юрттоно ас кужыменызы улон инты басьтыны быгатӥсьтэмъёслы но. Озьы элькунамы кӧня ке ар ӵоже ужаз «Егит семьяослы — улон инты» программа, со чотын 7 сюрс семьяос корка пырон лэсьтӥзы. Кылем арысен кутскон сётэмын «Егитъёслы квартира» программа — тая кылем арын 277 семья субсидия басьтӥз, туэ но сомындаезлыгес ик шуд усёз.

Лэсьтӥськон удысын ӟеч пала воштӥськонъёсты Кун Кенешысь депутатъёслы ар пумын вазиськоназ пусйиз Удмуртилэн Тӧроез А. Соловьёв. Шуиз: шумпотымон, бюджет удысын ужасьёслы нимысьтыз юртъёс пуктыны кутским. 2015-тӥ арын сыӵе корка вуттэмын вал, 2016-тӥ арын эшшо одӥгзэ ӝутыны кулэ. Сирота нылпиослы 280 улон инты висъямын. Азинтӥськом куашкан калэ вуэм юртъёсын улӥсьёсты выль интые выжтонэз — 2017-тӥ арын сентябрёзь 8 сюрс 800 семья корка пырон лэсьтоз.

Зэм, буйгатскыны вазь. Лэсьтӥськон удыслэн азинскемезъя асьмеос Приволжск федерал округын «быжаз». Уката но — нимаз адямиослэн пуктӥськемзыя. Соин ик матысь аръёсы талы но нимысьтыз саклык висъяны чакламын. Адямиос городъёс котыре мыло-кыдогес мед пуктӥськозы шуыса, музъемлы документъёс басьтонэз капчиятыны, отчы сюресъёс лэсьтонэз, тыл, ву кысконэз ӝоггес радъяны чакламын.

Элина Васильева

Туспуктӥз А. Горбунов

Удмурт Дунне
By Удмурт Дунне Январь 27, 2016 15:25
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<