Кун Кенешысь депутатъёслэсь лыдзэс кулэстозы?

Удмурт Дунне
By Удмурт Дунне Январь 14, 2016 09:36

Алексей Прасолов вератэк ӧз кельты лэсьтӥськон удыс сярысь но.

Кун Кенешысь «Огъя Россия» фракцилэн кивалтӥсез Алексей Прасолов пумиськылӥз журналистъёсын.

Люкаськемъёс тунсыкъяськизы: ӵектонъёс чузъяськыло Кун Кенешысь депутатъёслэсь лыдзэс кулэстон сярысь — озьы, оло, бюджетысь уксё шыръяськысал? Алексей Прасолов талы чутрак пумит. Со пусйиз:

— Кемалась ик ӧвӧл вуылӥмы Самара улослэн парламентаз. Отын 50 гинэ депутатсы: озьы улосысьтызы котькуд 100 сюрс муртлы быдэ 1 депутат усе. Со вуттоз шат сомында калыкен пумиськыны, солэсь сюлэмшугзэ кылзыны? Валамон, уз! Вылаз ик, 50 депутатсы пӧлысь 30-эз парламентазы гинэ тыршо, мукет удысъёслэсь мозмытэмын. Чаклалэ ай, кӧня коньдон кошке сомында депутатэз возьыны. Нош асьме Кун Кенешысь котькуд депутатлы быдэ усе 30 сюрс адями: тамында муртэн кызьы ке кусып возьыны пӧрмытод ай, малпасько. Со сяна, 90 депутат пӧлысь 11-ез гинэ мукет ужъёслэсь мозмытэмын, кылемъёсыз ас удыссэс-ужбергатонзэс нуо, шаермылэн бюджетаз вытъёс чотын уксё ваё.

Ортчем сессиын уродэн веразы Тазалыкез утёнъя министерстволэсь ужамзэ. А. Прасолов чутрак пумит луиз эмъяськонниосын интыосты кулэстыны, та ласянь тазалыкез утёнъя министрлы косонъёс сётэмын, учком, кызьы соос быдэсъяськозы, шуиз «Огъя Россия» фракцилэн кивалтӥсез.

Алексей Прасолов вератэк ӧз кельты лэсьтӥськон удыс сярысь но. Югдур капчи ик ӧвӧл, но вормымон: чаклам объектъёс пуктӥськытэк уз кыле. Та ласянь туж зол тырше элькунмылэн Тӧроез Александр Соловьёв: созэ я тазэ социальной объектэз ӝутонлы уксё утча, шедьтэ, лэсьтӥськисьёс азьын кылдэм пунэмъёсты пытсаны тырше. Шуг-секытъёс вань ке но, оскиськом, вуоно арын но лэсьтӥськон удыс огсыр азинскоз, шуэ Алексей Прасолов.

Елена Никитина

Туспуктэм:  udmurt.er.ru

 

 

Удмурт Дунне
By Удмурт Дунне Январь 14, 2016 09:36
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<