Кыӵе сиёнъёсын тупало но уг тупало кудӟытӥсь юонъёс?

Удмурт Дунне
By Удмурт Дунне 12 января, 2016 12:48
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
057635,еда,кафе,ресторан,украшение стола,оформление стола,сервировка

Сырын трос кальциез но мукет минералъёсыз. Соос винаысь полифенолъёссэ мугоре пыӵатыны юртто.

Кызьы утиськоно макмырлэсь? Малпаськом, Выль ар праздникъёс азьын со сярысь тодыны мултэс уз луы.

Вина  куре сыр

Сырын трос кальциез но мукет минералъёсыз. Соос винаысь  полифенолъёссэ мугоре пыӵатыны юртто. Огкылын вераса, сиён-юонлэн шӧмыз но ческытгес луэ, пайдаез но вань.

Водка яратэ сӥль. Та кудӟытӥсь юонэз тросэз куртчо винегретэн. Туж шонер лэсьто! Угось винегретын вань картошкаез — со узыр абсорбентэн, нош сылалтэм кубиста — С витаминэн. Нялтас вераса, кудӟытӥсь юонъёс мугорысь С витаминэз гылто, соин ик макмырен сайкасьёслы туж пайдаё луэ сылалтэм кубиста ву.

Эшшо водкаез сӥльын куртчыны умой, со пӧзьтэмын яке пыжемын мед луоз. Озьы ик яралоз чорыг. Та сиёнъёсысь белок ӝушын, сюлъёсын 4-8 час пала пӧзьыны выре. Нош юэм муртлэн — эшшо но кемагес. Озьы мугорын сиёнэз но, юонэз но тырмыт.

«Вож кыен»  уг эшъясько

Тортъёс но мукет ческыт пыжиськемъёс. Таоссэ мугор нырысь ик «пӧзьтыны» кутске, угось солы глюкоза кулэгес. Нош кудӟытӥсь юонъёсты со берлолы кельтэ. Озьы адями ӝоггес кудӟе, нош ӵукнаяз макмырен туж зол курадӟе.

Шоколад. Кудӟытӥсь юонъёс сотэк но шӧдӥсько сэплэн ужамез вылын, нош шоколадэн ӵош — уката но. Кырмиськыны быгатэ панкреатит. Соин ик, коньякез шоколадэн юыны яратӥсьёс, пеляды понэ — тазалыкты дуногес.

Помидор. Та емышлы уката  уг тупа водка: помидорлэн чырсэз кырмиськыны быгатоз ӝуш борды, таин сэрен кӧт тордэ.

Кӧё-вӧё сӥль. Курытсэс таин куртчись муртъёс кемагес сайкиськыны выро. Со сяна, секыт йӧтэ ӝушлы, муслы но сэплы.

Курыт сиёнъёс. Таос но кудӟытӥсь юонъёсты кужмогес каро, со сяна, сутскыны быгатозы сиськон гумы, ӝуш.

Маринадэн кияр. Сылалтэм огречен ӵошатыса, таиз шуккыны быгатэ пекляосты но мусэз. Нош винаен, водкаен суро — уката но.

Виноград. Кудӟытӥсь юонъёс тупало емышъёсын. Но виноград туж коньыт, соин ик мугор нырысь ик сое «пӧзьтыны» кутске — тортъёсты но мукет ческыт пыжиськемъёсты сямен ик. Озьы адями туж ӝог кудӟе.

Людмила Денисова,

диетолог

Туспуктӥз А. Горбунов

 

 

 

Удмурт Дунне
By Удмурт Дунне 12 января, 2016 12:48
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<