Кин гожтӥз «Тулыс ӝыт» кырӟанэз?

Удмурт Дунне
By Удмурт Дунне Январь 28, 2016 09:39
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

кырӟанЛыдӟисьёсмылэн куремзыя 25-тӥ декабре потэм газетамы печатламы «Арлэн кырӟанэз-2015» конкурсын вормем 3 кырӟанэз. Жаляса верано, Кияса ёросысь «Ерпечкаос» ансамбльлэн «Тулыс ӝыт» кырӟанэзлэсь авторзэ, Интернетлы оскиськыса, янгыш гожтӥськеммы.

«Тулыс ӝытлэсь» кылъёссэ Юрий Камашев гожтымтэ. Юрий Леонидович ансамбльлэн кивалтӥсез луэ. Соин, вылды, Интернетэ пуктэм текстын со кырӟанлэн авторез шуыса пусъемын.

— Кырӟанлэсь кылъёссэ гожтӥз Уддяди гуртын вордскем кылбурчи Владимир Бубякин, — редакциямы жингыртӥз Владимир Ильичлэн ӵыжы-выжыез Роза Кузнецова. — Но солэн чуръёсыз кырӟанын ӧжытак воштэмын. Кылсярысь, Бубякин гожтэ: «Лыкты, лык, яратонэ, Уддяди ӝыт шудонэ…» Нош «ерпечкаос» кырӟало: «Лыкты, лык, яратонэ, возь вылэ ӝыт шудонэ…»

Та пумысен ансамбльлэн кивалтӥсез Ю. Камашев валэктэ:

— Малы кылбурысь чурзэ воштоно кариськимы? Пиосын малпамы: Уддяди шуыса кырӟамы ке, мукет ёросъёсы, гуртъёсы та кырӟанэн уд поты ни. Со тунсыко луоз уддядиослы гинэ. «Возь вылэ» каримы но — табере та кырӟанэз котькытын быдэстыны луэ, шаерамы вань улӥсьёслы тупа.

В. Бубякинлэсь текстсэ урод карон мылкыдмы ӧй вал, шуо «ерпечкаос». Зэм, авторлэсь яке солэн матысь ӵыжы-выжыезлэсь юатэк, калыке вӧлмем текстэз исаны уг яра вал. Нош кин текстэз Интернетэ пуктӥз, Ю. Камашев уг тоды. В. Бубякинлэн ӵыжы-выжыосызлэсь куриськом — вождэс эн вае. Одӥг янгыш понна «Тулыс ӝыт» медаз чалмы.

«Удмурт дунне»

 

Удмурт Дунне
By Удмурт Дунне Январь 28, 2016 09:39
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<