«Гуртысь эмчи» проект азинтӥськоз

Удмурт Дунне
By Удмурт Дунне 13 января, 2016 16:32
070510,больница,поликлиника,медицина,врач

Та программае пыриськыны быгатозы 50 аресозь специалистъёс.

Та программая шаерысьтымы ог 400 егит врачъёс гуртэ ужаны мынӥзы ни, туэ но кошкыны мылкыд карисьёс 55 кузя люкаськемын.

Ваньзы соос Ижысь медициная кун академиез йылпумъясьёс. Кун Кенешысь Тазалыкез утёнъя, демографияя но семья ужпумъёсъя ялан ужась комиссилэн кивалтӥсез Светлана Кривилёва верамъя, талы бюджетысь ог 30 миллион манет кулэ луоз.

— Мылкыд карисьёс вань, ужпум пыкъяське коньдон тырмымтэ вылэ, — шуиз со. — Кылсярысь, туэ 60 егит специалист программае пыриськыны мылкыдзэ вераз вал, но со пӧлысь 20-езлы гинэ быдэн 1 миллион манет висъяны быгатӥм. Зэм, ортчем сессиын 2015-тӥ арлы бюджетэ ватсанъёс пыртэмын: 10 миллион манет чакламын «Гуртысь эмчилы» но. Эшшо 10 миллион манет лыктыны кулэ Россилэн бюджетысьтыз. Озьыен, эшшо 20 специалистэз гуртэ келяны луоз.

Та программае пыриськыны быгатозы 50 аресозь специалистъёс. Но гуртэ кошкись эмчиос азе куронъёс пуктоно, — пусйиз Светлана Кривилёва. — Кылсярысь, коньдонэз соос мед кутозы корка пуктонлы. Кез ёросэ 12 егит специалист кошкемын, жаляса верано, пӧлысьтызы огзы но корка пуктыны кутскемын ӧвӧл. Оскон туж пичи, 5 ар ужамзы бере соос отчы ик кылёзы шуыса.

Асьме депутатъёс мукетсэ но ӵекто: «Гуртысь эмчи» вылэ пыкиськыса, кылдытоно «Гуртысь фельдшер» программа. Угось гуртъёс озьы ик туж кулэясько эмъясь сузэръёслы, фельдшеръёслы.

— Та мылкыдъёсмес Москвае келямы ни, — пусйиз Светлана Петровна. — Тодӥсько: мукет улосъёс пӧлын но таӵе ӵектонэн потӥсьёс вань.

Элина Кумачёва

Туспуктӥз А. Горбунов

Удмурт Дунне
By Удмурт Дунне 13 января, 2016 16:32
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<