«Горд Кирослэн» лушкем ужез, Кун Думаын бюджетэз выльдон но шаерамы тыриськонъёслэсь пегӟон

Удмурт Дунне
By Удмурт Дунне Январь 27, 2016 15:32
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Туспуктэм: newsru.obzorua.com

Дуннеын

Лушкем уж

«Горд Кирос» огазеяськонлэн Украинаысь ёзаз тыршисьёс лушкем уксё поттыны малпаллям.

Донбассэ гуманитарной юрттэт вуэмысь уг дугдылы пӧртэм кунъёсысь но калыккуспо огазеяськонъёсысь, со дунтэк вӧлмыны кулэ. Но Украинаысь «Горд Кирос» со юрттэтэз уксёен вузаны кутскем. Огазеяськонын тыршисьёс лушкем ужамзэс вато, киязы вуэм уксёез добровольной юрттэт шуо. Коррупциен нюръяськонъя калыккуспо огазеяськон «Горд Киросын» эскерон ортчытыны косӥз.

Туспуктэм: ystav.com

Россиын

Зол пӧсяно луоз

Кун Думаысь депутатъёс тулыс сессизэс усьтӥзы. Та ӧтчам понна со берпуметӥез луоз — туэ сентябре парламентэ быръёнъёс ортчозы.

Но быръёнъёс кутскытозь, депутатъёслы ог ӝыны ар пала зол ужано луоз на — экономикаын югдур секыт. Кун Думалэн Тӧроез С. Нарышкин пусъемъя, депутатъёслы, чик ӝегатскытэк, басьтӥськоно туэлы чаклам бюджетэз выльдон борды.  Со  юнматэмын вал, мувӧез вузан дун 50 доллар возиськоз шуыса, но со 28-озь кулэсмиз ни. Экономикаез азинтонъя министерство выль план дася — отын чакламын, сьӧд зарни 25 доллар сылоз шуыса, соку эшшо но золгес эскероно луоз котькуд манетлэсь кутӥськемзэ.

055747,деньги,финансы,монета,мелочь

Туспуктэм: udmfoto.ru

Удмуртиын

Тыриськонлэсь уд пегӟы

Удмуртиысь Судъя приставъёслэн управленизы ивортэмъя, кылем арын ваньмыз-ӧвӧлэз ӝутэмын 1 миллион 39 сюрс исполнительной уж.

Озьы шаермылэн бюджетаз вуиз 1 миллиард 600 миллион манет. Тужгес но трос уксё люкаськемын вытъёсты берыктон чотын — 805 миллион манет, 149 миллион манет люкаськиз сюрес вылын мынон-ветлон правилоосты тӥям понна штрафъёс чотын. Алиментъёслэсь пегасьёслэсь кыскемын 158 миллион 247 сюрс манет — та уксё келямын пиналъёссылы. 10 сюрс манетлэсь ятыр тыриськонзэ пытсамтэ мурт туэысен машина нуллон правотэк кыльыны быгатоз. Удмуртиын таӵе учыръёс вал ни. Талам правозэс берыктон понна одћгез адями ӝог тыриз 65 сюрс, мукетыз 90 сюрс манет пала тыриськонъёссэс.

Елена Никитина

Удмурт Дунне
By Удмурт Дунне Январь 27, 2016 15:32
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<