Генерал юртын видео-арт возьматозы

Удмурт Дунне
By Удмурт Дунне 13 января, 2016 11:08
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

жон-жон13-тӥ толшоре 18 часын Генерал юртын ортчоз видео-арт возьматон. Со этнофутуристической видеоартъя «ЖОН-ЖОН–Жужгес» калыккуспо фестивальлэн емышез луоз.

Вашкала калык культураез гажасьёс 4-тӥ арзэ люкаськыло симпозиумъёсы. Туэ со ортчиз 8-тӥ оштолэзьысен 10-тӥ оштолэзёзь Ува ёросысь Жужгес гуртын.Таизлэн симпозиумлэн кичӧлтӥсез луиз этнофутуристъёслэн «Эмноюмно» творческой огазеяськонысьтызы суредась Жон-Жон Сандыр. Соин сэрен симпозиумлэсь нимзэ но 33 аресъем воргоронлэн кушем нимызъя карыны малпазы — «ЖОН-ЖОН Жужгес». Удмуртиысь, Татарстанысь, Башкортостанысь, Финляндиысь, Эстониысь но Германиысь 9 суредасьёс но видео лэсьтӥсьёс улӥзы калык пӧлын, гуртын ик видео пуктылӥзы но пӧртэм перформансъёс лэсьтылӥзы.

Симпозиумын лэсьтэмын вал 12-лэсь уно видеоужъёс. Художникъёс видео пыр возьматыны турттӥзы асьсэ пуш дуннезэс, мифологизэс — озьы соос асьсэ пыр калыксылэсь аспӧртэмлыксэ но адӟытӥзы. Кызьы верало художникъёс, видео но суредаськон пыр соослэн лулзы бурдъяське. 9-тӥ толшоре ужъёсты адӟиз ни жужгес калык.

— Калык со ужъёсты нырысь учкыса уг вала. Берло гинэ, сюлэмтӥзы поттыса, мур валан лыктэ, — вера суредась Юрий Лобанов (Кучыран Юри). — Но ми потӥськом калык пӧлы выль искусствоен тодматскон понна.

Со сяна, этнофутуристъёс Жужгеслэн вань урамъёстӥз инюбоен, гырлыен жингыртыса, ортчизы. Вань мылкыд карисьёс юбо борды басма юдэс керттӥз. Табере сое калык малпа гурт шоры интыяны. Озьы ик суредасьёс выльдӥзы гуртысь вӧсь интыез. Ми пӧлын котькыӵе религиен адямиос мед луозы но, песянай-песянайёсмылэсь дунне шоры учконзэс ми котькудмы гажаны но утьыны кулэ, вера Кучыран Юри.

Туэ гужем этнофутристъёс люкаськозы Алнаш ёросэ. Голюшурма гуртысь куштӥськем коркаосты сэрттыса, коръёслэсь пӧртэм арбериос пӧртмытъялозы, ошмессэз чылкытатозы, вӧсь интызэс выльдозы но Гольюшурма гурезь йылэ этнофутуристической скульптураосын парк лэсьтозы.

Мария Векшина

Удмурт Дунне
By Удмурт Дунне 13 января, 2016 11:08
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<