Дэри ёросысь Юськи черкогуртын куспазы вожвылъяськизы лыдӟиськись семьяос

Удмурт Дунне
By Удмурт Дунне 21 января, 2016 12:54
0102330,Национальная библиотека,книга

Ужрадэ пыриськемъёс огымысь кадь пусйизы: книгатэк улон мӧзмыт.

Литературалэсь арзэ йылпумъяса, Дэри ёросысь Юськи черкогуртын  лыдӟиськись семьяос куспын конкурс ортчиз. Отчы 8 команда пыриськиз.

Командаос кужымзэс мертазы литература, биология, математика но музыка урокъёсын. Ужрадэ пыриськись семьяос шоры шумпотыса учки. Кин ке висъяськиз литература урокын, нош кин ке математикаын. Тросэзлы вунонтэм кылёз произведениосысь геройёслы ышем арберизэс берыктон. Кылсярысь, сюрлоез сётыны кулэ вал К. Митрейлэн «Секыт зӥбет» романысь Дангыр кие, вераськись писэз — А. Толстойлэн «Приключения Буратино» выжыкылысьтыз Папа Карлолы.

Озьы тодмо луизы гуртысьтымы тужгес лыдӟиськись семьяос. Нырысетӥ интые потӥз Черновъёслэн семьязы. Александр Анатольевич водитель луыса тырше, Лариса Васильевна Юськи школаысь биология но химия предметъёсты нуэ, соослэсь адӟем каро 3-тӥ классын дышетскись Олеся но 5-тӥ классын дышетскись Роман пиналъёссы. Кыкетӥ-куинетӥ интыосты люкизы Будинъёслэн, Кольцовъёслэн, Шакасовъёслэн но Михайловъёслэн семьяоссы. Ужрадэ пыриськемъёс огымысь кадь пусйизы: книгатэк улон мӧзмыт, юртын пеймыт луэ, шундытэм нуналэ кадь.

Та ужрад юрттӥз нылпиослы но анай-атайёслы ог-огзэс ӟечгес валаны.

Пётр Давыдов

Туспуктӥз А. Горбунов

Удмурт Дунне
By Удмурт Дунне 21 января, 2016 12:54
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<