Дэбес ёросысь Чапаев нимо СПК-лэн лэсьтэмез — син азьын

Удмурт Дунне
By Удмурт Дунне 11 января, 2016 08:55
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
_DSC0236

Татьяна Хохрякова

Кызьы герӟаськемын йӧл, сюрес но Интернет

Дэбес ёросысь Чапаев нимо СПК выль азинсконъёс басьтэ, музъем ужанэз умоятыса, пумен уногес йӧл но сӥль поттэ. Солэн тӧроез Татьяна Хохрякова туэ Удмурт Республикалэн Данъян пул вылаз пыртэмын.

— Татьяна Мефодьевна, 15 ар талэсь азьло эштосэн кивалтонэз ас вылады басьтӥды. Уд жаляське-а?

— Озьы но, тазьы но вераны луоз. Со вакытэ Дэбес ёросын 3 кышномуртъёс гурт хозяйствоосын кивалто ни вал. Табере ми 2 кузя кылемын. Луонозэ но, луонтэмзэ но лэсьтӥськом хозяйствоосмес пыд йылазы возён вылысь. Ваньмыз огкадь ӟеч уг ке но пӧрмы, верамонэз, лэсьтэмез син азьын. Тани колхозэн кивалтыны кутскеме бере милям сюро таза пудомы 500 йыр пала вал. Али уллёмес 2 поллы будэтӥм ни. Озьы ик йылэ йӧл кыскон. Миым, кылсярысь, котькуд скаллэсь 5 сюрс 200 килограмм йӧл люкам. Нош туэ со лыдпусэз 200 килограммлы йылэтом.

15 ар талэсь азьло СПК-ын 85-90 мурт ужаз ке, туэ 65 адями кылемын. Но соосын арлы быдэ 1,5-2 поллы тросгес йӧл-сӥль поттӥськом. Ялан выльдӥськом фермаосмес, дасяськиськом 400 скал тэрымон гид пуктыны. Отын пудо думетын уз улы, йӧл кыскон залэз луоз, вань секыт ужъёсты машинаос быдэсъялозы. Та ласянь юрттэт возьмаськом республикалэсь но. Сотэк шаерамы 2020-тӥ арозь йӧл кысконэз 1 миллион тоннаозь уд вутты. Шонер-а мон лэсьтӥ, колхозэн кивалтонэ кыткиськыса? Та сярысь малпаськыны дыр ӧвӧл, ужаськод ке, маке пӧрмытӥськод.

— Кызьы арез йылпумъяськоды?

— Музъем ужасьёсмылы арлы быдэ секыт йӧтэ. Куазьлэн вогъяськыса улэмезлы ноку ум дыше, но солэсь изъян ваёнзэ кулэстон понна пӧртэм ужрадъёс кутӥськом. Но туэ гужем но сӥзьыл мында зоръёс, оло, ноку но ӧй вал. Вань юосмес тыро-пыдо утялтыны ӧм быгатэ, лудъёсмы но, кын улэ гырытэк, кылизы. Тулыс уката чупрес бергано луоз. Солы али ик дасяськиськом ни.

Пудо утисьёс.

Пудо утисьёс.

Берло аръёсы гектарлы быдэ шорлыдын 16-17 центнер ю тысь кутсаллямы вал, нош туэ 14 гинэ луиз. Озьы ке но окмымон пудо сиён дасям. Али пудомес кылем арын силосэн но турынэн сюдӥськом. Гужем мында йӧлмы но люкаське, пинал пудо но ӝог тэлеӟе.

Музъем ужанын лэсьтоноез бен трос ай. Кӧня кулэ, сомында минерал сылалъёс басьтыны коньдонмы уг тырмы, азотнойзэ гинэ вуттӥськом, жаг турынэз гербицидъёсын быдтӥськом. Фермаысь кыедэз али но бусые нуллӥськом. Соин ӵош ик арлы быдэ ӟеч, таза сортъем кидыс уськытӥськом. Та удысмес туж валаса 40 ар нуэ ини Галина Хохрякова. Мынам тужгес матысь юрттӥсе луэ. Нош пудо вордонын специалистъёсын капчи ӧй вал. Али татын но югдур умоя, сьӧд-тӧдьы выжы пудо вордонъя племрепродуктор луыны дасяськиськом.

Оглом вераса, тазэ но арез урод ум йылпумъяське. Котькуд удысын, пичиесь ке но, азинсконъёсмы вань. Соос котькуд ужасез шумпотто но азьланезлы выль кужым сёто. Отысь ик потэ ӟеч улонмы. Тани миым шоро-куспо уждунмы толэзяз 13 сюрс манет усиз ке, туэ 14 сюрс 600 манет луоз.

Доярка А. Хохрякова.

Доярка А. Хохрякова.

— Татьяна Мефодьевна, ужасьёсты сярысь тросгес тодэммы потэ.

— Ӟеч ужало механизаторъёс Геннадий Сунцов, Владимир Андреев, Анатолий Андреев, Сергей Хохряков, дояркаос Альбина Хохрякова, Елена Тимофеева, кунян сюдӥсьёс Нина Никитина, Нина Максимова, Надежда Ложкина но трос мукетъёс.

Вератэк кельтэме уг поты техник-осеменатормы Вера Андреева сярысь. Оскем ужзэ со, юн валаса, быдэсъя. Юнме шат 100 скаллэсь 90 кунян басьтӥськом. Ёросысь пудо бызьылытӥсьёслэн конкурсазы котьку сямен азьпал интыосы потэ.

Чагыр эстӥськон дорамы вуиз 5 ар талэсь азьло. Газэн шунтӥськом контораез но столовоез. Куд-огез семьяос али доразы газ пырто. Со гурт калыклы капчиен уг сётӥськы, туж дуно усе. Адямиос быгатэмзыя улон-вылонзэс умоято. Со туж шумпотымон.

Механизатор С. Хохряков.

Механизатор С. Хохряков.

Туннэ Дэбес ёросын но, милям хозяйствоямы но одӥгез валтӥсь сюлэмшугъяськон — сюресъёс. Соин сэрен ыштонъёс адӟиськом. Ми валаськом, сюрес лэсьтон дуно усе, но ведь али ик асфальт сюрес ум куриське, азьло кӧльы коть кисьтано, сюрес дуръёстӥ ву мед кошкоз.

Мукетыз сюлмаськонмы — оло оскоды, оло уд — Интернетмы ӧвӧл. Нош табере отчётъёс но куро ини Интернет пыр.

Нянь будэтӥсьёсты но пудо утисьёсты Выль арен но Ымусьтонэн ӟечкыласько. Малпасько, огъя кужымен шуг-секытъёсты вормомы. Сӥзисько котькуддылы ужын выль вормонъёс басьтыны, ӟеч мылкыд но юн тазалык!

Геннадий Романов

Туспуктӥз А. Горбунов

Удмурт Дунне
By Удмурт Дунне 11 января, 2016 08:55
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<