Быдӟым Вормонлы 70 ар тырмонэн герӟаськем материалъёс ар ӵоже трос вуизы

Удмурт Дунне
By Удмурт Дунне Январь 11, 2016 08:38

победаБыдӟым Вормонлы 70 ар тырмонэн валче арлэн кутсконаз лыдӟисьёс пӧлын ялӥмы вал тыложлы сӥзем материалъёсъя конкурс.

Шумпотымон, быдэс ар ӵоже газет бамъёсын потӥзы оже ветлэмъёс, ож мышкын ужамъёс но ожысь нылпиос сярысь тодэ ваёнъёс, зарисовкаос, туспуктэмъёс. Войналы сӥзем потымтэ материалъёс  но вань ай. Быдӟым ож кутсконлы вуоно арын 75 ар тырме. Таин валче газет бамъёсын тыложлы сӥзем нимаз сэрег висъяломы.

Быдӟым Вормонлы сӥзем конкурсын ужъёссы тужгес ӟечен пусъемын таӵе авторъёслэн: Кияса черкогуртысь Г. Парфёнов (ар ӵоже трос пӧртэм усто материалъёс гожъяз), Пичи Пурга черкогуртысь А. Петрова («Тушмонэз пазьгыны юрттӥз кирза», 15-тӥ май),  Шаркан ёросысь Г. Широбокова («Бертэм потэ — бурд ӧвӧл», 5-тӥ июнь), Шаркан ёросысь Л. Ларионова («Анайлэн кылъёсыз сюлэмам», 26-тӥ июнь), Кияса ёросысь А. Степанова («Улэ-вылэ семья», 31-тӥ июль).  Нылпиос пӧлын пусъемын Дэри ёросысь Казмас школаын дышетскись В. Кабанова («Луло ке кыли, гожто…», 31-тӥ июль). Ваньмызлы та авторъёслы сётэмын луоз коньдон премия но Тау-карон гожтэтъёс. Таукарон гожтэтъёсын озьы ик пусъемын конкурсэ пыриськем нылпиос: Кияса ёросысь А. Григорьев, А. Фадеев, Эгра ёросысь С. Агафонов, Грак ёросысь С. Костин, И. Костин. Юанъёсын вазиськыны луоз 8-951-195-37-65 телефонъя.

«Ӟеч уж» ужрадэ мыло-кыдо пыриськемез но ышем-бырем солдатъёслэсь нимъёссэс шараяны юрттэмез понна нимаз дунъямын Алнаш ёросысь Е. Рябина.

Удмурт Дунне
By Удмурт Дунне Январь 11, 2016 08:38
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<