Александр Соловьёв кужмо спортсменъёслы коньдон сертификатъёс сётӥз

Удмурт Дунне
By Удмурт Дунне 18 января, 2016 11:51
sportsmen

Шаерысьтымы 166 спортсменъёс 27 амалъя Россилэн сборной командаосаз кутэмын.

Кылем ар пумын Удмурт Республикалэн Тӧроез Александр Соловьёв шаерысьтымы тужгес кужмо спортсменъёслы но соослэн тренеръёссылы коньдон сертификатъёс сётӥз.

Таяз учыре вылӥ кивалтӥсь доры ӧтемын вал шаерысьтымы ляб адӟись спортсменъёс: Алефтина Анисимова, Жанна Гринёва, Александр Заикин (трекетӥ великен ворттылӥсьёс), ляб кылӥсьёс Анна Лосева но Мария Одинец (гурезьысь куасэн нискыласьёс). Ваньзы соос Россилэн чемпионатъёсаз медальёс басьтӥзы. Нимысьтыз шуныт кылъёс верамын вал Кизнерысь Беловъёслэн семьязылы. Соос Россиысь спортэз яратӥсь тужгес устоез семья луизы.

Декабрь толэзе биатлонъя «Ижысь винтовка» ӵошатсконын кыкетӥ инты басьтэмез понна сертификатъёс басьтӥзы Ульяна Кайшева но солэн тренерез, атаез Николай Кайшев.

Шаерысьтымы 166 спортсменъёс 27 амалъя Россилэн сборной командаосаз кутэмын. Кылем ар куспын 312 медаль басьтӥзы, со пӧлысь 99-эз — зарни. Шумпотоно, шаерысьтымы спортэн эшъяськисьёслэн лыдзы арысь аре йылэ, туннэ нуналлы 32,5 процентэз улӥсьёс тазалыксэс кыдато.

Мугорез кыдатон культурая, спортъя но егитъёсын ужан политикая министр Игорь Краснов шумпотон ивор вераз: спортэз азинтон удысын Удмурт Республика Россиысь вань улосъёс пӧлын 3-тӥ инты басьтӥз.

Валентина Емельянова

Туспуктӥз А. Поздеев

 

 

Азьпалан можга пияш

Россиысь Биатлонъя союз спортсменъёслэсь рейтингзэс шараяз.

Воргоронъёс пӧлын вылӥ интыосты люкизы Антон Шипулин (Екатеринбург), Евгений Гараничев (Тюмень) но Дмитрий Малышко (Санкт-Петербург). Удмуртиысь Евгений Шамаев 43-тӥ интыын. Нылкышноос пӧлын азьпалан Ольга Подчуфарова (Москва), Галина Нечкасова (Новосибирск) но Виктория Сливко (Тюмень). Удмуртиысь Ульяна Кайшева 10-тӥ, нош Светлана Бочкарёва 19-тӥ интыосын.

Шумпотоно егит биатлонистъёс понна. Юниоръёс пӧлын ваньзэс азьпалтэ Можга ёросысь Виктор Плицев. Солэн эшез Дмитрий Шамаев 6-тӥ интыын. Пинал пиос пӧлын 7-тӥ но 10-тӥ интыосы потӥзы Ильназ Мухамедзянов но Никита Лобастов. Нылъёс сярысь ке верано, Юлия Широбокова но Элина Никитина 30 кужмоез пӧлы шедемын.

 

 

Удмурт Дунне
By Удмурт Дунне 18 января, 2016 11:51
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<