Оскон… пальтолы гинэ

Удмурт Дунне
By Удмурт Дунне Январь 28, 2016 08:53
шӧкыч

— Берлозэ та трубаосты вошъяку, тон анаедлэн кӧт пушказ но ӧй вал на…

Ижысь ву, шуныт сётон гумыосты воштонлы берло 7-8 ар ӵоже коньдон ӧз висъяськылы, шуо кивалтӥсьёс.

Кытчы со вуттӥз — нуналлы быдэ адӟиське. Ог 70 процентэз гумыос ярантэм луэмын. Туннэ соос татын пасясько, ӵуказе — мукет интыын. Кылем арын, кезьытъёс кутскем бере ик, тросаз юртъёсын ӵажмыт луиз. Вылез ар кутскиз ке но — югдур трослы ик ӧз воштӥськы. Батареяос маял кадь гинэ шуныт кыльыло куд-ог дышетскон организациосын но. Дорамы ивор вуиз ни: Ижысь Кузебай Герд нимо гимназиын дышетскисьёс но урокъёсазы дырын-дырын пальтоен пукыло.

— Кылем арын декабрь толэзе шунытмес 3 пол кысылӥзы, — вераз гимназилэн директорез Анжелика Михеева. — Туэ январе 1 таӵе учыр луиз. Но УКС милемлы азьло ик телефонограмма келя, кезьытын пуконо луом шуыса. Соин ик дышетсконмес соя чакласьком ни. Нылпи садмы 2 нуналзэ воксё ӧз ужа. Мукет учыръёсы анай-атайёсты курим, пиналъёссэс вазьгес мед басьтозы шуыса. Школьникъёсмы нуназеозь дышетско ик — ӵукна кысэм гумыослэн шунытсы отчыозь тырме на. Собере доразы лэзиськом.

Ярано, туала вакытэ дышетонын пӧртэм амалъёс кутӥсько, со пӧлын — дистанционной амал, Интернет пыр. Озьы, кезьыт классъёсын пукем интые, нылпиос, доразы бертыса, компьютер сьӧры пуксё. Чидало ни нылпиос но, анай-атайёс но.

Шӧкыч уром

Суредаз В. Пахомов

Удмурт Дунне
By Удмурт Дунне Январь 28, 2016 08:53
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<