«Вуюись» семинар выль инвисъёсты усьтэ

Удмурт Дунне
By Удмурт Дунне 14 декабря, 2015 10:16
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Та нуналъёсы Иж котырысь «Дзержинец» лагерьын ортче «Шунды» огазеяськонлэн  «Вуюись» семинарез.

«Вуюись» ас бурд улаз люказ школаын дышетскисьёсты но студентъёсты. Соос выль тодон-валанъёс басьто 4 ӧръёсъя: азьветлӥсь луон, ивор вӧлмытон, бренд кылдытон но ужбергатон. Со сяна, егитъёс дышетско проектъёс кылдытъяны, асьсэлы выль инвисъёс усьто. Семинарлэн кыкетӥ нуналаз соос калык азе поттозы бизнес-планъёссэс. Вань малпанъёс одно ик пайда вайыны кулэ «Шунды»  огазеяськонлы.

Дэри ёросысь Наталья Казаковалэн семинарын потэ «бренд» шуонлэсь пуштроссэ валамез.

— Алигес лыдӟи англи кылын гожтэм книга. Отын вераське тодмо  брендъёслэн кылдэмзы но ӝутскемзы сярысь, — вера Н. Казакова. — Малпад ке, озьы ик луэ удмурт арбериосты но брендлы пӧрмытыны.

Кызьы вера «Шунды» огазеяськонлэн тӧроез О. Тронина, семинаре 86 куриськон вуиз, соос пӧлысь 50 устоосыз быръемын вал. Туэ семинар «Удмурт-а мон?!» форумен ӵош ортче. Озьы школаын дышетскись пиналъёс, тодӥсь-валась егитъёсын вераськыса, выль тунсыкозэ усьтозы.

Мария Векшина

 

 

Удмурт Дунне
By Удмурт Дунне 14 декабря, 2015 10:16
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<