«Вамыш» дасялоз вуоно крезьгурчиосты но видеоен вырисьёсты

Удмурт Дунне
By Удмурт Дунне Декабрь 18, 2015 13:15
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

«Вамыш» смена туала вакытлэсь куронъёссэ быдэсъя.

Бадӟым классъёсысь дышетскисьёс но студентъёс понна егитъёслэн «Шунды» огазеяськонзы «Вамыш» смена радъя. Со ортчоз 2-тӥ-6-тӥ толшоре Иж котырысь «Дружба» лагерьын.

«Вамыш» смена туала вакытлэсь куронъёссэ быдэсъя. Озьы котькуд ар вошъяське солэн ужан ӧрыз. Кылем арын удмурт егитъёс ужазы газет лэсьтон, радио- но телесюжет поттон бордын, тодӥзы, кызьы лэсьтӥське блог но малы сое туала дыре нуыны кулэ. Угось ивор вӧлмытон туала улонын юрттэ огазеяськонлэсь ужзэ калыклы тодмо карыны, аслэсьтыд малпандэ шараяны, удмурт улонэз историе кельтыны.

Туэ сменае люкаськозы крезьгурчиос, вуоно вожатойёс, видеоен ужасьёс, ужрад ортчытъясьёс. Крезьгур лэсьтыны егитъёсты дышетоз Эгра каркуртысь «Нефтяник» культурая юртысь Николай Корепанов, вуоно вожатойёс потозы та юртысь ик режиссёрлэн Л. Усковалэн. Ки улысьтыз, азьланяз соос «Шундыкар» лагерьын ужаны быгатозы, видеолэсь аспӧртэмылыкъёссэ валэктоз В. Степанов. Кызьы шонер радъяны ужрадъёсты валэктоз Ижысь Эшъяськон юртысь ӧнерчи Ирина Трубицына.

Котькуд ар сямен ик пиналъёсын ужалоз психолог Л. Ускова. Со юрттоз пиналъёслы пӧртэм шуг-секытъёсын нюръяськыны, калык азьын шонер вераськыны но астэ умой палысен возьматыны. Со сяна, егитъёс пумиськозы удмурт азьветлӥсьёсын.

Сменае сюрон понна куриськон келяно 23-тӥ толсурозь  troninaolga@yandex.ru электрон адресъя. Пусъёно нимтулдэс, улон интыдэс, быръем ужан ӧрдэс. Эн вунэтэ гожтыны вакчияк асьтэ сярысь.

«УД»

Туспуктэм: УМОО «Шунды»

Удмурт Дунне
By Удмурт Дунне Декабрь 18, 2015 13:15
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<