Удмуртиын ужа искусствоосъя 56 нылпи школа

Удмурт Дунне
By Удмурт Дунне Декабрь 25, 2015 16:40
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
047549,фестиваль студенческих отрядов,гитара,музыкальный инструмент

Балезиноысь искусствоосъя школаысь инструментъёссэс выльдыны министерство висъяз 500 сюрс манет.

Шаерамы  туэ одӥг ДШИ но ӧз пытсаськы. Усточи пиналъёс паймыто вормонъёсынызы, гуртысь нылпиос городысь эшъёссылэсь чик бере уг кылё.

Культурая но туризмъя министр Владимир Соловьёв верамъя, шаерысьтымы искусствоосъя нылпи школаослы бадӟым саклык висъяське. Туэ гинэ 20 миллионлэсь ятыр коньдон вуиз та учреждениосы крезьгуро инструментъёс басьтыны, ӝыныез уксё лыктӥз федерал кисыысь. Кылсярысь, Балезиноысь искусствоосъя школаысь инструментъёссэс выльдыны министерство висъяз 500 сюрс манет. Та коньдонэн соос басьтӥзы аккордеон, фортепиано но баян. Балезиноысь искусствоосъя школалэн директорезлэн воштӥсез Яна Волкова верамъя, мултэс ӧй луысал кӧня ке гитара но басьтыны.

— Покчи нылпиослы вань пичи баянъёс, аккордеонъёс. Тэшкылиослэн  бадӟым мылкыдзы гитараен шудыны. Но таосыз инструментъёс бадӟым нылпиослы тупасьёсыз гинэ вань. Оскем потэ, вуоно арын но крезьгуро инструментъёс басьтыны коньдон висъяськоз шуыса, — мылкыдзэ усьтэ Яна Волкова.

Яна Николаевна верамъя, соослэн котькуд арзы вормонъёсын узыр луэ. Со потэ дышетӥсьёслэн сюлмысь ужамзы, нылпиослэн бадӟым мылкыдзы но инструментъёслэн ӟечлыксы бордысь. 2015-тӥ ар конкурсъёслы-фестивальёслы узыр вал. Балезино ёросысь усточи нылпиос трос пол лауреатъёс луизы.

— Кылсярысь, нылпи творчествоя «Народное. Нарядное. Родное» элькун конкурсын кызьпу туйлэсь лэсьтэм киуженыз Анастасия Булдаковамы 1-тӥ степенё лауреат луиз. Пу шыкыссэ аспӧртэмлыко буямез понна Анастасия Перевощикова 3-тӥ инты басьтӥз. Удмуртиысь искусствоосъя школаысь кырӟасьёс но ансамбльёс куспын вожвылъяськонын но кык вормонмы: лауреат луизы «Вера» хормы но Анна Агафоновалэн но Захар Корепановлэн дуэтсы. Мукетыз данъяськонмы — Анна Фёдорова. Туэ гинэ та усточимы 4 диплом басьтӥз. Крезьгуро дисциплинаослы сӥзем калыккуспо олимпиадаын «Пинал исследователь» номинациын 1-тӥ интые потӥз. Пиналъёсмы озьы ик пыриськизы егит крезьгурчиослэн но кырӟасьёслэн  «До-ми-солька» 4-тӥ калыккуспо интернет-конкурсазы. Отын нырысетӥ степенё лауреат луизы Артём Ардашев (аккордеон), Софья Суслова (фортепиано) но Рустам Касимов (фортепиано). Соин ик ми но, нылпиосмы но Выль арез туж капчи мылкыдын пумитаськомы. Нялтас вераса, арнянуналэ та праздниклы сӥзем представленимы луоз. Отчы вуозы выжыкылысь вераськись Коӵыш, куинь парсьпиос, Йӧ королева, Тол бабай но Лымы ныл, — шуэ Яна Волкова.

Галина Семёнова

Удмурт Дунне
By Удмурт Дунне Декабрь 25, 2015 16:40
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<