«Удмурт ныпъет» вожвылъяcьконлы йылпумъянъёс лэсьтэмын

Related Articles

• Мадьяр замокын — удмурт омыр 0 01.Июн
• Выль номер: Гурт шудонъёс, 100 интыос, 80 гуртъёсын воштӥськонъёс 0 20.Авг
• Кин басьтоз Удмуртиысь Правительстволэсь «Данъян» премизэ 0 29.Янв

«Удмурт нылкышно кенеш» огазеяськонэн ӵош радъям «Удмурт ныпъет» вожвылъяcьконэ трос ужъёс вуизы ноябрь пумын, газет бамъёсы соос потыса ӧз вуттэ ке но, йылпумъянъёс лэсьтыны  луоз ни.

Вожвылъяськонэз ортчытыны кузьымъёсын юрттӥз Нациосын ужан политикая министерство. Нырысетӥ йылпумъянъёс пӧртэм номинациосъя лэсьтэмын Дэбесын ортчем «Данъясько тонэ, анай!» ужрадын. Вормисьёс пӧлын: Л. Покушева (Кизнер), А. Коротаева (Вавож),  Л. Емельянова (Эгра ёрос),   Е. Королёва (Дэбес ёрос),         С. Федулова (Дэбес). Ӟеч ужъёссы понна кузьымъёсын но Таукарон гожтэтъёсын озьы ик   пусъемын Дэбес ёросысь мукет авторъёс но: Г. Образцова, А. Андреев, Г. Бойкова, Л. Чиркова.  Дунъямын Дэбесысь чеберлыкъя юртысь кибашлыос Н.  Иванова, Н. Поздеева, О. Загумёнова, Н. Миншина, та вожвылъяськонлы шуыса, соос ныпъетъёс куиллям.

«Удмурт ныпъет» вожвылъяськонын вормисе озьы ик потӥзы: М. Морякова (Кияса ёрос), И. Пантелеева (Ижевск), Н. Дмитриева (Ижевск), Н. Торохова (Ува ёрос), Л. Бозина (Глазов ёрос). Таукарон гожтэтъёсын но синпель кузьымъёсын пусъемын луозы мукет авторъёслэн но ӟеч ужъёссы.

Вож нуныослы, покчи нылпиослы сӥзем веттан гуръёс, кылбуръёс, шудонъёс, ныпъетэн герӟаськем веранъёс но туспуктэмъёс «Герд» газетын азьланяз но печатласькозы. «Удмурт ныпъет» вожвылъяськон азьланьтӥське.

Лия Малых

Туспуктӥз Валерий Нуриахметов