Удмурт дӥсьёс — вылӥ модаын

Удмурт Дунне
By Удмурт Дунне 16 декабря, 2015 14:02
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Москваын ортчиз вылӥ модая калыккуспо «Этно-Эрато» фестиваль. Удмуртиысь дизайнер Любовь Суднева «Древо» дӥськут бичетэныз аслаз номинацияз 3-тӥ инты басьтӥз.

суднева

—  Та конкурсэ мыным пыриськыны ӵектӥз Ижысь киужъёсъя центрлэн директорез. Ачим али отын ужасько, — вера егит дизайнер Любовь Суднева. — «Туала дэремын вашкала пужыос» номинациын адӟытэмын вал 40 пала коллекция.

Озьыен, 40 дӥськут бичетъёс пӧлысь Любовь Судневалэн «Древо» бичетэз луиз  3-тӥ. Егит дизайнер кылем арын быдтӥз Удмурт кун университетысь Искусствоосъя но дизайнъя институтэз. «Древо» дӥськут коллекциез ӵапак диплом ужез вал. Со кылдытэмын, Якшур-Бӧдья но Шаркан ёросъёсын улӥсь удмуртъёслэн дэремъёссэс, пужыоссэс учкыса. Шор удмуртъёслэн улон-вылонзы  Любовь Судневалы матын — со вордӥськемын Якшур-Бӧдья ёросысь Кекоран черкогуртын. Вашкала дӥсь вылысь выляз выжизы 3 сэрего кышетъёс но пӧртэм аппликациос.

47ebaf8ec28aaaad7fecb46376bf28c0

Со сяна, фестиваль-конкурсын возьматэмын Удмуртиысь «Улон кутске сюан бере» коллекция —  вашкала удмурт дӥськут. Дӥсез, валче ужаса, кылдытӥзы пӧртэм ёросъёсысь киужъя центръёс. Таиз бичет фин-угор дэремъёс радын тужгес устоез луиз.

«УД»

Удмурт Дунне
By Удмурт Дунне 16 декабря, 2015 14:02
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<