Туэлэсь начаргес ум улэ

Удмурт Дунне
By Удмурт Дунне Декабрь 8, 2015 09:55
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Фото Поздеева А_6Кун Кенешысь юнматӥзы элькунмылэсь вуоно арлы бюджетсэ.

Удмуртилэн Тӧроез  А. Соловьёв:

— Ватонэз ӧвӧл: вуоно арлэсь бюджетсэ секытэн кутӥм. Но та шоры учкытэк, куд-ог министерствоослы но ведомствоослы туэлэсь тросгес коньдон чакламын. Кызьы тодӥськоды, Россилэн казнаысьтыз ватсаса 1 миллиард 600 миллион манет вуэмын. Со пӧлысь бадӟым люкетсэ депутатъёсын ӵош люкылӥм социальной удыслы. Зэм, инвестициосты кысконлы ӧжытгес уксё кылемын. Но та ужпумез эскером на. Инвестициос одно ик кулэ гурт удыслы — пуктоно теплицаос, отын будэтоно кияр, турын-куар. Турциысь ваемъёсызлэсь уродэсьгес соос уз луэ. Куштӥськоно ӧвӧл улон юртъёс пуктонлэсь — мед тырмозы егит семьяослы но, сиротаослы но, куашкан калэ вуэм сэрегъёсын улӥсьёслы но. Инвестициос вань удысъёсы кулэ. Сюрес фондлэн кисыяз уксё туэлэсь ичигес уз луы, оло, тросгес но карыны быгатом ай: вераськиськом Камбарка — Сарапул, Ижевск — Сарапул но мукет сюресъёсты выльдон сярысь. Зэм, выль объектъёсты лэсьтон сярысь кылпум ум поттылэ, асьмелы йылпумъяно на мытэм ужъёсмес: Эгралан, Ярын, Ижын больницаосты выльдоно, Егит учкисьлэсь театрзэ, Национальной библиотекаез, Короленко нимо театрлэсь юртсэ тупатъяно но мукет.

Кун Кенешысь  ялан ужась комиссилэн кивалтӥсез С. Кривилёва:

— Ӝог юрттэт сётон машинаос пӧлысь 80 процентэз вужмемын. Матысь 3 ар куспын 500 пала машинаез выльдыны кулэ. Зэм, вуоно арлы бюджетын талы коньдон ӧвӧл, но М. Гуцериев ужбергатӥсьлэн фондэз 45 машина сӥзе. Лек пыктосъёсъя элькун диспансер эмъян тӥрлыксэ выльдыны 40 миллион манет куре на вал — та коньдонэз шедьтыны куремын Тазалыкез утёнъя министерстволэн кисыысьтыз.

Кун Кенешысь ялан ужась комиссилэн кивалтӥсез Н. Сударикова:

— Дышетон удыс туэлэсь начаргес улыны кулэ ӧвӧл. Дышетӥсьёслэсь уждунзэс ӝутонлы коньдон чакламын, школа, нылпи сад пуктонэз азинтом, автобусъёс басьтом. Нылпиослэсь гужем каникулъёссэс радъянлы нырысь ӧжытгес уксё учкемын вал, но Удмуртилэн Тӧроез А. Соловьёв талы 300 миллион манет ватсаны куриз. Туж умой, анай кылъя учебникъёсты экспертиза пыр поттонлы 3 миллион манет шедьтӥм шуыса. Оглом талы ог 11 миллион манет пала кулэ бере, кылем 8 миллионзэ 2017-тӥ арлы кельтэмын.

«Удмурт дунне»

 

Удмурт Дунне
By Удмурт Дунне Декабрь 8, 2015 09:55
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<