Шутэтскыса кӧт тыре ни 5-тӥ январьлы

Удмурт Дунне
By Удмурт Дунне 25 декабря, 2015 09:29
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
050792,каток,катание на коньках,отдых,развлечение,коньки

Шутэтскыса кӧт тыре ни 5-тӥ январьлы.

Котькудмы чидатэк витиськомы Выль арез но со бӧрсьы шутэтскон нуналъёсты. Малпаськомы: кӧттырмонамы ӵыдэтскомы!

Но психологъёс пусъё: быдэс семьяен огдыре шутэтскон но куддыр мылкыдэз уськытэ. Озьы ӵыдэтсконлэсь ог куиньмос люкетэз акыльтэ — кӧлэмзы уг луы, кыӵе ке уж борды кутскыны суй-пыдзы юскиськемын. Россиысь психологъёс огымысь пусъё: шутэтскыса кӧт тыре ни 5-тӥ январьлы.

Ижысь психолог Светлана Дмитриева валэктэ:

— Чаклалэ ай: Выль арез пумитатозь, асьмеос бызьылэмысь-бергамысь ум дугдӥське: пунэмъёсмес пытсано, кузьымъёс басьтоно, пиналъёсты Выль ар празднике дасяно, юрт пушез чеберъяно… Тани вуэ кема витем дыр — Выль ар уй. Валатэк ик кылиськомы солэсь ортчемзэ. Нош сомында дасяськимы но витимы! Куноос кошкизы, кутскиз огшоры улон но быдэс семьяен ӵош ӵыдэтскон. Со нуналъёсы малпамдыя номыр уг радъяськы кадь: семьяды куспын керетонъёс пуромыло, ураме потыны — кезьыт, телевизор учкыса, йыр берга ни, улон уг радъяськы кадь — котькуд чыры-пыры тӥледлы туж бадӟым но вормонтэм ужпум кадь йӧтыны кутске. Мар кароно таӵе дыръя? Дорын пуконо ӧвӧл: луонлыкты вань ке, ветлэ куное, поталэ инкуазе, котырске магазинъёстӥ, буялэ йырсидэс! Тырше котькуд ӵыдэтскон нуналдэс аспӧртэмлыко карыны: шуом, пиналъёстылы кыӵе ке праздник радъяны, соосты киужен вырыны дышетыны, дорады ӵыжы-выжыостэс ӧтьыны, быдэс семьяен киное ветлыны но трос мукет. Уллялэ урод мылкыддэс! Асьтэды буйгатэ: улонды сокем ик урод ӧвӧл, ваньмыз чакламдыя радъяське. Тани ӝоген нош ик вуозы огыр-бугыр ужан нуналъёс. Семьяен ӵош шутэтсконэз нош ик быдэс ар витёно луоз.

Елена Никитина

Удмурт Дунне
By Удмурт Дунне 25 декабря, 2015 09:29
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<