Школаослы дышетоно федерал перечене пыртэм учебникъёсъя

Удмурт Дунне
By Удмурт Дунне Декабрь 28, 2015 11:56
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
0102310,Национальная библиотека,презентация удмуртский учебник,Тимирзянова

Та дыре Удмурт Элькунысь Печатья но ивор вӧлмытонъя агентство ужа федерал перечене покчи классъёслы учебникъёсты пыртон бордын.

Законъя, бен, школаос дышетыны кулэ федерал перечене пыртэм учебникъёсъя. Удмурт Элькунысь Дышетонъя но наукая министерство та югдуръя  газетмылы таӵе валэктон сётӥз.

Законъя, бен, школаос дышетыны кулэ федерал перечене пыртэм учебникъёсъя.  Но, учебникъёс сяна, уже кутӥськыны быгато дышетон пособиос, соос  дышетон организациослы пособиос-книгаос  поттыны лэзем перечене пыртэмын ке (сое юнматэ Россиысь Дышетонъя но наукая министерство, «Удмуртия» издательство та перечене пыремын).

Та дыре Удмурт Элькунысь Печатья но ивор вӧлмытонъя агентство ужа федерал перечене покчи классъёслы учебникъёсты пыртон бордын. Солы бюджетысь ватсаса 3 миллион манет висъямын. 2016-тӥ арын 15-тӥ февралёзь  соосты Россиысь Дышетонъя министерствое сётоно ни. Отӥяз азинтэмын луоз 5-тӥ-9-тӥ классъёслы учебникъёсъя уж.

Федерал перечене пыртэмын луыны быгато выль образовательной стандартъёсъя дасям учебникъёс гинэ. Сое лыдэ басьтыса, прокуроръёслэн пыкылонзы тупа 1-тӥ-5-тӥ классъёслы учебникъёсъя гинэ.

6-тӥ-11-тӥ классъёсын учебникъёсъя дышетон нокызьы уг тӥя законэз, малы ке шуоно та классъёсын анай кылъёс дышетӥсько национально-региональной компонент чотын (кутэмын 2000-тӥ арын), нош федерал перечене  пырон радлык уг чакла соослы экспертиза лэсьтонэз.

Школа кивалтӥсьёсты но дышетӥсьёсты кыл кутон улэ кыскыны косэмез шонерен ум лыдъяське, малы ке шуоно учебникъёс сярысь сюлмаськыны кулэ Дышетонъя но наукая  министерство.

Та удысын федерал законлэсь шеко луэмзэ но электрон учебникъёслы дасяны укыр вакчи дыр сётэмез лыдэ басьтыса, малпаськом, та ужез радъяны тросгес дыр но луонлык сётоно вал.

Ужан программаосъя ке верано, соосты дасян но улонэ пыӵатон понна быдэсак кыл кутэ дышетон организация (школа). Та ласянь дышетӥсьёслы визь-нодэн юртто Удмурт Элькунысь Дышетонэз азинтонъя институт но Йӧскалык дышетонъя научно-исследовательский институт. Ужан программаосъя примеръёс школаосы но дышетӥсьёс дорозь вуттэмын вал: покчи классъёслы выль стандартъёсъя — 2011-тӥ арын, 5-тӥ-9-тӥ  классъёсъя — 2013-тӥ арын, 2000-тӥ арлэн стандартъёсызъя — 2002-тӥ арын. Та дырлы ужан программаосъя примеръёс ӟуч но, удмурт но кылын вань ини.

Прокуратуралэн предписаниезъя ужан программаос  гожтэмын луыны кулэ ӟуч кылын. Татын озьы ик чутрак луыны уг яра, малы ке шуоно  анай кылэз дышетӥсьёс но соослэн анай-атайёссы понна  программаос валамон луо, угось шаерысьтымы тросаз школаосын (Шаркан ёросысь Карсашурын но) удмурт кылэз анай кылэз сямен дышето, озьыен, сое ваньмыз валало. Кыкетӥез — удмурт кылъя урок нуиське удмурт кылын, школалэн уставаз гожтэмын ке но, нылпиосты дышетон ӟуч кылын быдэсъяське шуыса, со уг вера, удмурт кылъя урокъёс ӟуч сямен луыны кулэ шуыса. Куинетӥез — программаосты ӟуч кылэ берыктыны косон эскерисьёслэсь ужзэс капчиятон понна ке чакламын, озьы ик номыр шуг-секытсэ ум адӟиське, угось  та учыре кыскыны луэ удмурт  кылэз тодӥсь экспертъёсты. Дышетӥсьёсты валаны луэ, малы ке шуоно ужан программаос лэсьтӥсько урокез нуон понна, нош та учыре вераськон мынэ ке удмурт кыл предмет сярысь, соин ик со дасямын но вал удмурт кылын.

Со сяна, прокуроръёслы чаклано на вылэм созэ но: федерал законъёс вылэ сяна, ужамы ми пыкъяськиськом подзаконной актъёс вылэ но.

Удмурт Дунне
By Удмурт Дунне Декабрь 28, 2015 11:56
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<