Пиезлэн тазалыкез вылын узырмиз кышномурт

Удмурт Дунне
By Удмурт Дунне 24 декабря, 2015 09:56
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
шӧкыч

— Тӥледлы санаторийын дунтэк эмъяськыны шуд усиз, но со понна кӧня ке уксё кулэ луоз…

Дэри ёросысь нылкышно социальной сетьёс пыр вазиськиз калыклы: 4 аресъем пиез секыт висёнэн черламын, йӧнатон понна кӧня ке миллион манет кулэ.

Ма, таӵе ялонъёслы туала вакытэ паймонэз ӧвӧл. Секыт висьыны усемъёслы коньдон бичанэн выро уно фондъёс но. Сюлэмъёсмы небытэсь: кызьы уд юртты шуге-леке вуэм муртлы! Ӟеч лэсьтэм нокинлы уродэн ӧз берытскы на. Озьы таяз учыре но кин кӧня быгатӥз, сомында ик коньдонзэ сётӥз шуге-леке вуэм муртлы. Солэн счётаз ог 2 миллион манетлэсь трос люкаськем.

Но кемалась ӧвӧл волонтёръёс шараязы: нылкышно пӧяськыса коньдон бичам. Шумпотымон: пичи пиёк таза. Нош солэн анаез бичам коньдонэн дуно машина басьтэм, зарезь дуре шутэтскыны вуылэм. Нылкышно мар дауртэмзэ уг вала шат?

Кӧня ке дасо мурт полицие соку ик вазиськиз, пӧяськисез кыл кутон улэ кыскыны курыса. Соос пӧ-лын Ижысь Ксения. Кӧня ке толэзь талэсь азьло секыт висёнэн сэрен улонысь кошкиз одӥг гинэ пиез. Сое йӧнатыны калык коньдон люказ вал, но со кулэ ӧз луы ни. Куректонэ усем анай уксёзэ выжтӥз уксё бичась нылкышнолэн счётаз.

Полиция туннэ эскерон уж нуэ. Кылӥськиз ни: пӧяськись нылкышно улон интызэ воштӥз, вань юанъёслы валэктон сётъя солэн адвокатэз.

Таӵе учырлы паймемзэ уг ваты Кун Кенешысь Тазалыкез утёнъя, демографияя но семья ужпумъёсъя ялан ужась комиссилэн кивалтӥсез Светлана Кривилёва:

— Жаляса верано, таӵе учыръёсты алыны луонлыкъёс трос ик ӧвӧл: эмъясьёс муртъёслы вераны уг быгато адямилэн тазалыкез сярысь. Соин ик эшшо одӥг пол вератэк уг луы: сакгес кариськоно! Нош сыӵе пӧяськисьёс, лушкаськисьёс сярысь шара верано — оло, возьытлыксы сайкалоз ик?

Шӧкыч уром

Суредаз В. Пахомов

 

 

Удмурт Дунне
By Удмурт Дунне 24 декабря, 2015 09:56
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<