Час ортчыса, кутскоз В. Путинлэн пресс-конференциез

Удмурт Дунне
By Удмурт Дунне 17 декабря, 2015 10:37
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
прес--конференц

П. Вахрушев Москваысь «НТВ» ТРК-ысь В. Кондрашов журналистэн.

Час ортчыса, ужзэ мытоз В. Путинлэн пресс-конференциез. Кызьы та ужрадлы дасясько Москвае люкаськем журналистъёс, ивортэ «Удмурт дуннелэн» корреспондентэз Паша Вахрушев.

Кызьы вера Паша, та дыре журналистъёс каллен люкасько ни. Отын ужало «Мынам Удмуртие» телеканалысь оператор И. Дерендяев, корреспондент А. Редько но мукет улосвыл СМИосысь журналистъёс. Асьсэзыс возьматон понна тросэз плакатъёсын лыктэмын, куд-огез калык костюмъёсынызы но. Паша Вахрушев вуттӥз ни вераськыны Москвавысь «НТВ» ТРК-ысь журналистэн В. Кондрашовен.

— Туннэ зэмос журналистлэн нуналыз. Татчы быдэс Россиысь 1400 пала журналистъёс вуэмын! — вера В. Кондрашов. — Калык тросгес но тросге вуэ бере, оло, вуоно арын пресс-конференция Кремльын ортчоз. Котькуд ар ветлӥсько ке но, али но тунсыко потэ. Сириен герӟаськем юан дасяй.

Кыӵе юанъёс дасяло мукет журналистъёс? Та ласянь толон ик тросаз сайтъёсын потӥзы ни пӧртэм ивортонъёс. Политологъёс малпамъя, троссэ журналистъёсты висьытэ Россилэн Сириен, Америкаен кылдэм кусыпъёсыз, дуннеын нефтьлэн дунтэмамез.

Паша Вахрушевез нош сюлмаськытэ тазалыкез утёнъя удысын оптимизация но Россиысь СМИ-ос пӧлын йӧскалык газет-журналъёслэн, радиолэн, телевиденилэн интыоссы.

Меӵак эфирын В. Путинлэсь журналистъёслы валэктон сётъямзэ адӟыны но кылыны луоз «Россия 1», «Россия 2», «1 канал» телеканалъёс но «Радио России», «Маяк» но мукет СМИ-ос пыр.

«УД»

Туспуктӥз П. Вахрушев

Удмурт Дунне
By Удмурт Дунне 17 декабря, 2015 10:37
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<