Кыз выллем миндэр лэстомы!

Удмурт Дунне
By Удмурт Дунне 4 декабря, 2015 08:26
кыз

Таӵе кыз ноку уз шуя.

Выль ар вуытозь, вож кыз выллем небыт шудон пӧрмытыны вуттоды. Со шулдыртоз кӧлон котырдэс, дивандэс.

Быръе кык пӧртэм басма: одӥгез одно ик вожпыръем луыны кулэ. Та басмаосты, пужыё палзэс ваче карыса, шори куасалтэ. Сётэм туспуктэмез учкыса, одӥгаз 5 бурдо кизили суредалэ. Одӥг бурд йылысеныз мукет бурд йылозяз пасьталаез ог 50-60 сантиметр луиз ке, яралоз. Чаклалэ симметриез — бурдъёсыз огкадь луыны кулэ. Табере мукетыз басма вылэ тазьы ик кизили суредалэ: таизлэн дуръёсыз 5-7 сантиметрлы пичигес луыны кулэ. Таӵе амалъя ик суредалэ 3-тӥ, 4-тӥ но 5-тӥ кизилиосты — соос пумен пичиёмыны кулэ.

Табере та кизилиослэсь дуръёссэс вандэ но вурӟе, азьдоринтэ. Но киды тэрымон интызэ вурӟытэк кельтэ: таосты котькудзэс мамыкен тырмытоно луоз, собере гинэ пасезлэсь дуръёссэ вурӟоно (киын вурӟиды ке, вурысэз уз адӟиськы). Озьы пӧрмыны кулэ 5 кизили. Тужгес бадӟымез вылэ пичизэгес интыялэ, тазьы котькудзэ — вылысьтыз вылаз. Соин ик, кизили суредакуды но вандыкуды, чаклалэ: одӥг буёлоосыз ӵош медаз сюре. Табере та кизилиосты-миндэръёсты ог-огенызы герӟано: котькудӥзлэсь шорзэ шедьтэ но мукетызлэн шорыз борды дэмӟытэ.

Сое йылсаны луоз небыт пичи миндэрен. Кык пӧртэм буёло басмадэс ваче каре но пичи треугольник вандэ, дуръёссэ, пичи инты кельтыса, вурӟе, собере берыктэ но пушказ мамык тырелэ. Тазэ дэмӟытоно кызлэн йылаз. Озьы пӧрмыны кулэ небыт кыз.

Та кызэз возёно кровать я диван вылын — со вылэ йырез но поныны, пельпумъяськыны но луоз. Сое чеберъяны быгатоды пӧртэм арбериосын: бирдыосын, бантикъёсын, озьы ик пужыятыны но.

Елена НИКИТИНА

Удмурт Дунне
By Удмурт Дунне 4 декабря, 2015 08:26
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<