Калыккуспо семьяос понна пайдаё лагерь ортчиз

Удмурт Дунне
By Удмурт Дунне 2 декабря, 2015 09:11
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
калыккуспо семья

Вероника — «Мынам Удмуртие» ТРК-ысь удмурт журналист, картэз — ӟуч. Соослэн будэ 7 аресъем Слава пизы.

Ортчем шутэтскон нуналъёсы «Дзержинец» лагерьын ортчиз пӧртэм выжы калыкъёсты огазеясь семьяос понна «Семейная летопись» фестиваль.

2-тӥ арзэ радъя сое удмурт егитъёслэн «Шунды» огазеяськонзы.  Азьвыл та выллем фестиваль удмурт семьяос понна гинэ вал, нимаськиз «Шудо семья». Но «Шунды» огазеяськонлэн тӧроезлэн Ольга Трониналэн верамезъя, уксё ласянь кылдэм шуг-секытъёсын йырин проектлы пум вуиз. Нош кылем арын выль проектэз улонэ пыӵатыны луонлык кылдӥз: калыккуспо семьяосты юнматон, соосты ог-огенызы тодматон вылысь малпам проектэз ӟечен лыдъяз Йӧскалык политикая министерство но.

Нырысьсэ та смена ортчиз кылем арын. Солы луыса кылдытэмын вал туэ арлы календарь, отысь адӟыны луиз пӧртэм семьяосты. Туэ нош фестиваль эшшо но паськытаз, шуыны луоз. Отчы пыриськизы 12 семьяос — удмурт, ӟуч, бигер, немец. Пӧлазы суро-пожоосыз но вал. Кылсярысь, Вероника но Сергей Ваулинъёслэн семьязы. Вероника — «Мынам Удмуртие» ТРК-ысь удмурт журналист, картэз — ӟуч. Соослэн будэ 7 аресъем Слава пизы. Удмурт кылын уг вераськы ке но (семья куспазы егитъёс ӟуч сямен верасько), удмурт кылын кырӟанъёсты но кылбуръёсты тодэ.

— Одӥг минутсэ но ӧм жалялэ, ужрадэ пыриським шуыса. Пие али но весь тодаз вае сое,  — вера Вероника. — Фестиваль семья кусыпъёсты юнматэ, пиналъёсмес мукет культураосын тодматэ. Тунсыко вал пӧртэм семьяослэсь сям-йылолъёссэс, улэм-вылэмзэс адӟыны. Ми семьяенымы возьматӥм, кызьы ортчытӥськом акашка праздникез, кызьы ӵошен курегпуз буяськом, пыжиськиськом, шудӥськом. Ӟуч картэлы тунсыко вал  удмурт эктонъёсты дышетыны — фестивальын «Эктон корка» студия мастер-класс возьматӥз.

Со сяна, фестивальын анай-атайёс но пиналъёс мукет ужрадъёсы но пыриськизы. Нылпиос асьсэлы ибырвесьёс лэсьтӥзы, пӧртэм калыкъёслэн нылпи шудонъёсынызы шудӥзы. Со дыре анай-атайёс семья куспын кылдылӥсь керетонъёслэсь мугъёссэс эскеризы, нылпилэсь будэмъяз воштӥськемзэ валаны турттӥзы. Соосын ужаз психолог Лариса Ускова.

«УД»

Туспуктэм: УМОО «Шунды»

Удмурт Дунне
By Удмурт Дунне 2 декабря, 2015 09:11
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<