«Ижмаш» заводлэсь башнязэ тупатозы

Удмурт Дунне
By Удмурт Дунне 15 декабря, 2015 13:18
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
022251,день города,возложение цветов к памятнику Дерябина,часовня Ижмаша,барабаньщицы,город Ижевск

«Ижмаш» заводлэсь валтӥсь корпусэзлэсь башнязэ тупатыны 2 но ӝыны миллиард манет пала кулэ луоз.

Москваын Удмуртилы сӥзем нуналъёс мыныку, Федерация Кенешын вераськиз Удмуртиысь культурая но туризмъя министр Владимир Соловьёв. Солэн докладэз сӥземын вал «Ижмаш» заводлэн башняезлы.

2019-тӥ арын дано конструктормылэн Михаил Калашниковлэн вордскемез дырысен 100 ар тырмоз. Та юбилеез ортчытыны шаермы али ик дасяське ини.

— Ми вазиськимы Россилэн Правительствояз, М. Калашниковлэн юбилееныз валче «Ижмаш» заводлэсь башнязэ тупатыны курыса, — веранзэ мытӥз Владимир Соловьёв. — Москваын милемыз кылӥзы, юрттыны пумит ӧз луэ. Угось та куке-соку Ижысь пыӵал тӥрлык поттонъя заводлэн валтӥсь корпусэз вал. Со лыдъяське федерал синпелетэн. Москва оскытӥз, та башняез выльдыны коньдон висъяськоз шуыса. Тупатъян ужъёс мытэмын луозы 2017-тӥ арын.

Ижысь музейлэн директорез Марина Рупасова верамъя, пыӵал тӥрлык поттонъя заводлэн валтӥсь корпусэз пуктыны кутскемын 1811-тӥ арын, вуттэмын со 1815-тӥ арын. 1934-тӥ арын та юрт ӝуаз, башняез куашказ. Но Николай I эксэй косэмъя корпус выльдэмын вал С. Дудин архитекторлэн проектэзъя ик. Дас ар пала кыстӥськизы тупатъян ужъёс.

— Пӧртэм вакытъёсы татын вал ремесленной но оружейной школаос, библиотека, музей, театр. Умой луысал, городмылы дуно синпелетэз тупатысалзы но солы азьвыл тусбуйзэ берыктысалзы ке, — шуэ Марина Борисовна.

Владимир Соловьёв верамъя, «Ижмаш» заводлэсь валтӥсь корпусэзлэсь башнязэ тупатыны 2 но ӝыны миллиард манет пала кулэ луоз, угось татын бадӟым интыез. Малпан вань отын адӟытонъёсын зал кылдытыны, — шуиз Владимир Соловьёв.

 

 

Удмурт Дунне
By Удмурт Дунне 15 декабря, 2015 13:18
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<