Гордэктоно медаз луы вылэм

Удмурт Дунне
By Удмурт Дунне 3 декабря, 2015 11:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
караваева

Настя Караваева мадиз Удмуртиын ортчем пельняньлы сӥзем фестиваль сярысь.

Калуга улосвылысь «Этномир» паркын  егитъёслы «Диалог культур» лагерь ортчиз. Егитъёс асьсэ проектъёсынызы тодматӥзы.

Удмурт Элькунысь отчы 4 адями ветлӥз: Йӧскалык политикая министерствоын ужась Анастасия Караваева, пуэн вырись Широбоков Василий, Эшъяськон юртысь методист Виктория Папаева но мон, Якшур- Бӧдья ёросысь Кекоран черкогурт школаысь дышетӥсь.

Та лагере Россилэн 60 улосвылъёсысьтыз 200 пала егитъёс люкаськизы. 9 нунал ӵоже ми проект гожъяны дышетским, лекциосы, мастер-классъёсы пыриським, группаосын ужам. Нырысь ик ми 4 бадӟым группаослы люкиським: этно-дышетскон, этно-туризм, этно-ужрад, этно-арбери. Вань группаос пыр-поч эскеризы, кыӵе шуг-секытъёсын улоназы пумисько куд-ог элькунъёсысь но улосвылъёсысь егитъёс, нош кыӵе ужпумъёс огкадесь быдэс Россиын.

Милемын ужазы тодмо, визьмо адямиос, Москваысь вузъёсысь преподавательёс, музейёсын кивалтӥсьёс, журналистъёс, проектъёсын вырисьёс.

диалог

Нуназе ми проектъёсмы бордын вырим, проектлэсь юн но ляб палъёссэ эскерылӥм, сое улонэ пыӵатыны юрттӥсь сюресъёсты утчам.

Нуназе ми проектъёсмы бордын вырим, проектлэсь юн но ляб палъёссэ эскерылӥм, сое улонэ пыӵатыны юрттӥсь сюресъёсты утчам. Этно-арбери группаысь Вася Широбоков калык азе поттӥз «Крезьгуро азбар» проектсэ, со крезез утёнлы но сое калык пӧлы вӧлмытонлы сӥземын.

Берпуметӥ нуналаз ми дышетскимы проектъёсмес калыклы шонер возьматыны, солы презентация карыны. Нырысь ужамы пичи группаосын, текстъёс дасямы, ог-огмылы мадимы, видео вылэ пуктылӥмы. Берло тужгес тунсыко проектъёсты бырйимы — оглом 33 проект люкаськиз. Настя Караваева мадиз Удмуртиын ортчем пельняньлы сӥзем фестиваль сярысь, Вася Широбоков крезез азинтон сярысь вераськиз, нош мон школаосы кылписпуэз вӧлмытон сярысь верай.

Шумпотӥсько, та лагерьын котькуд нунал Удмуртимес вераллязы шуыса, видео-клипъёсты возьматылӥзы, ӟеч проектъёсыз сярысь мадьылӥзы. Мукет улосвылъёсын ӵошатыса, милям вань удысъёс азинтӥсько кадь потӥз. Одӥгез понна куректӥсько: пиналъёсмы удмурт кылын уг верасько. Таиз понна гордэктоно медаз луы вылэм…

Лилия Широбокова

Туспуктӥз автор

Удмурт Дунне
By Удмурт Дунне 3 декабря, 2015 11:30
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<