Ф. Ермаков улӥз туж секыт улонэз

Удмурт Дунне
By Удмурт Дунне Декабрь 23, 2015 08:48
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
ермаков

Ф. Ермаковлы 103 аресозь улыны ӧз кылды.

Фома Ермаков литературоведлэсь, критиклэсь 85 аръем юбилейзэ пусйыку, малы ке тросэз куноос, ми но, чечы кузьмано кожамы.

Нош со серемпыр лякытак шуиз: тазалыке сярысь эн сюлмаське, ай мон егит на, песятайёсы быдэн 103 ар улэмын, мон вылын ай гыроно но гыроно… Но со бӧрсьы редакцие ӧз ни пыра, ужан вискамы тунсыко анекдотъёсын ӧз ни серекъяты — чечы ӧз юртты. Солы 88 арес вал.

Люкиськон ужрадын, Фома Кузьмичлэсь туж визьмо луэмзэ сяна, ваньмыз пусйизы зэмлыко улыны быгатэмзэ. «Со ваньзэ лэсьтылӥз, кызьы кулэ, кызьы шонер, нош мар со понна луоз — ӧз малпаськылы. Ӧз возьмалля ӟеч кылзэс но, орден-медаль бырттэмзэс но…»

Ф. Ермаков улӥз туж секыт улонэз. Нырысь, кулак пи карыса, дышетскыны уг куто вал. Со дыре ик пичи Фома, 1-тӥ классын дышетскыкуз ик, тодылӥз ни ЦК-лэсь вань секретарьёссэ.

Партиысь сое куштӥзы, «за настойчивое отстаивание и проведение объективистских позиций в науке, сознательную ревизию решений партийных органов, за систематическую дезинформацию и клевету…» гожтыса, ужан интыысьтыз — научно-исследовательской институтысь — уллязы. «Кыл вӧлдӥсез» уже куто ик Писательёслэн огазеяськоназы литсотруднике. Зэм, уждунэз заводысь выж миськисьлэнлэсь но ичи вал.  8 ар улыса гинэ, уже куто Дышетӥсьёслэсь тодон-валанзэс будэтонъя институтэ. Но солы люкетэмысь ӧз дугдэ. Кылсярысь, К. Гердлэн 100 ар тырмонэзлы, Ф. Ермаковен дасям «Собрание сочинений» интые, потэ мукет книга, кудаз Гердлэн улэм-вылэмез кырыжтыса сётэмын…

Фома Кузьмичлы шоканы маза луиз 1990-тӥ аръёсы гинэ. Оло ке вань сётымтэзэ сетӥзы: дано нимъёс, премиос, орден… Но со тужгес шумпотылӥз Кузебай Гердлэсь 6 томен «Сочинениоссэ» поттэмлы. Гердлэн юбилеез бӧрсьы 7 ар ортчыса ке но.

Со понна Ф. Ермаковез вылӥ данъяллязы палэнын: быдӟым ӟуч академик Дмитрий Лихачёв, венгер тодосчи Петер Домокош но мукет яркыт тодосчиос, солэсь ужъёссэ туж вылӥ дунъяса, гожтэтъёс ысъязы.

Мар бен, улон ваньзэ интыяз пуктӥз. Латынь кылын «Per aspera ad astra» (через тернии к звёздам) веран вань. Со туж тупа Фома Кузьмичлэн чидамезлы — вань улытозяз, со, шиямзы шоры учкытэк, дуриз зэмлыкез, берыктӥз асьмелы Кузебай Гердэз, удмурт инбамамы солэсь гинэ ӧвӧл, аслэсьтыз но кизилизэ ӝуатӥз.

Зинаида Рябинина

Туспуктӥз В. Беломорских

Удмурт Дунне
By Удмурт Дунне Декабрь 23, 2015 08:48
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<