Дарали Лели: Венгриысь Искасентдьёрдь гуртэз удмуртомытоно

Удмурт Дунне
By Удмурт Дунне Декабрь 24, 2015 09:52
венгрия замок

Венгриысь Искасентдьёрдь гуртысь замок.

Венгриысь Искасентдьёрдь гурт туэ луиз фин-угор дуннелэн культурая шоркарез. Мон отчы Россилэсь иворчи луыса мынэмын.

Мон вуэмын татчы Искасентдьёрдез тодмо карыны. Искасентдьёрдьёс дасесь фин-угор дуннелы усьтӥськыны. Ар ӵоже татын ужалоз иворчи, посол шуо сое: толалтэ но тулыс — Россиысь (мон), гужемзэ — эстон, сӥзьылзэ — фин, толалтэ — Эрдейын (Румыниын) улӥсь мадьяр.

Татчы сюрыны юрттӥз венгер кылэз тодэме. Валасько, мон нокызьы но герӟаськемын ӧвӧл Шаркан ёросысь Быгыен — фин-угор дуннелэн культурая удмурт шоркареныз. Искасентдьёрдь но нокызьы соин герӟаськемын ӧвӧл ай. Та герӟет-кусыпез али малпано. Мадьяръёсты ваёно Шарканэ, удмуртъёсты — Венгер шаере. Зэмзэ верано ке, мон уг на валаськы, кытӥыз Искасентдьёрдьлэн фин-угор. Туннэ нуналлы со нокыӵе фин-угор шоркар ӧвӧл ай. Вань замок, со туж усто. Со бордаз туристъёсты кыске. Вань мыло-кыдо калык. Но соос фин-угор дунне сярысь уг тодо. Ас поннам мон тазьы малпай: Искасентдьёрдез «удмуртомытоно». Кулэ-а мадьяръёслы Россиысь фин-угор калыкъёсын эшъяськон — со мукет юан ини («фин шоркар» шуо гуртсэс). Нырысь ик, возьматэме потэ, асьме калыкъёсмы но эстонъёс, сетоос но финъёс кадь ик тузӥесь. Оскисько, Амаде-Байзат-Паппенхайм замоке фин-угор шӧм пыӵалоз. Собере, оло, фин-угор балъёс но арлы быдэ ортчылозы…

Дарали Лели

Туспуктӥз автор

Удмурт Дунне
By Удмурт Дунне Декабрь 24, 2015 09:52
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<