Александр Соловьёв калыкен пумиськон ортчытӥз

Удмурт Дунне
By Удмурт Дунне Декабрь 23, 2015 09:50
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
NIK_5160 фото Карипов Э

Ӵектонэн вазиськисьёс но сюризы.

22-тӥ декабре Президентлэн Владимир Путинлэн Ижысь общественной приёмнояз Удмуртилэн Тӧроез Александр Соловьёв калыкен пумиськон ортчытӥз.

Вавожысь Солнечной урамын миым нылпи сад пуктӥзы. Нош сад дорозь нуись 800 метрез щебёнкаен сяна шобыртыны луонлык ӧз шедьтэ. Эшшо ке тротуарез но ӧвӧл. Таин сэрен анай-атайёс но нылпиос машина сюрес вылтӥ ветло. Ӵапак со сюрессэс тупатыны курыса ик, вавожъёс вазиськизы Александр Соловьёвлы.

— Приволжск федерал округын Удмурт шаер трос вордӥськемъёслэн лыдзыя азьпалан сылэ. Нош кытын пиналъёс трос, отын одно кулэ сад. Тӥ туж шонер вераськоды: сад сяна, котырзэ но умоятоно. Мон тодэмъя, 800 метр сюресэз асфальтэн шобыртон понна 5,6 миллион манет кулэ, — шуиз Тӧро.

Александр Васильевич соку ик герӟаськиз Вавож ёрослэн йырыныз Татьяна Иноземцеваен. Югдурзы пумысен вераськизы. Сюресэз тупатыны дунлэсь 25 процентсэ ёрос тырыны дась. Александр Соловьёв Транспортъя но сюрес хозяйствоя министерствоез малпаськыны куриз 2016-тӥ арлы сюресэз списоке пыртон пумысен.

Тӧролы вазиськисьёс пӧлын Можга городысь Яковлевъёслэн семьязы но вал. 5-тӥ классын дышетскись Виктория нылзы «Искорки» ансамбле пыриське, «Ярче» эстрадая студие ветлэ. Али дасяське «Рождественские звёзды» калыккуспо фестивале. Ортчоз со Москваын. Но сюрес дун пичи ӧвӧл, со сяна, костюмъёс но кулэ. Удмуртиысь нылаш ассэ Москваын возьматыны мед быгатоз шуыса, резервъя фондысь 40 сюрс манет висъямын.

Ӵектонэн вазиськисьёс но сюризы. 1942-тӥ арын январе Смоленск улосын кышкыт ожъёс мыныку, Удмуртиысь 357-тӥ стрелковой дивизия котыртэме сюриз. Соослы ожмаськон бусыын обелиск пуктыны дэмлаз Фаина Колесникова. Министерствоосты та ужпумез санэ басьтыны куроз, оскытӥз Александр Соловьёв.

Сергей Захаров

Удмурт Дунне
By Удмурт Дунне Декабрь 23, 2015 09:50
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<