365 нуналлы шудогес…

Удмурт Дунне
By Удмурт Дунне Декабрь 30, 2015 09:35

зк вера выль ар

Таиз номермы туэ понна — берпуметӥез. Валамон ини, со быдэсакыз сямен сӥземын Выль арлы: йылпумъянъёслы но выжыкыллы.

Зэм, кыкетӥезлы осконо-а, ӧвӧл-а, асьтэос тододы. Но мон, 170 сюрс манетэ луысал ке но, шудогес луон понна коньдонэн пирожки нокызьы но ӧй пыжысал (лыдӟе 22-тӥ бамез). Выжыкыл кулэ покчиослы. Соин ик нырысетӥ сӥзёнэ — нылпиослы, нунокъёслы выжыкыл кузьманы (кыз чеберъяны, Тол бабаез куное ӧтьыны, кузьым басьтыны) мылкыдды мед сузёз, тазалыкты мед луоз.

Мар веранэз, ар шугъясь-кытӥсь вал, угось политика но экономика — эгызоос, ог-огзытэк улон югдур уг азинскы. Туэ со уката но шӧдӥськиз. Кунсьӧр сиёнъёсты сиытэк, Египетэ ветлытэк, нокин но ӧз кулы на, ма, будӥсь дунъёсты но чидаськом. Секыт, куке асьсэды дунне кузёен шӧдӥсьёсын йырин улонъёс урисько…

Сыӵе дыръя телевизор азьын «остэ» шуыса пукиськод но валаськод: политика котькудмылэн пушкамы — потэ-а милям, уг-а — мертчиськемын ни. Табере аслыд шудо потӥськод ни огшоры улэп луэмед понна гинэ но. Шудогес выль арен!

* * *

Нош ик ортчиз, лэся, та ар —

Шуккылӥськом чаркаосмес.

Выль кризисэз но ми чидам —

Эн лӧптэ, Барак, Эрдоган!

Оло, ӧй вал тырмыт коньдон,

Ӧм пумиталэ гажанмес…

Вуттом ай, нош вуоз тулыс,

Ӟечен улӥм ке, пӧрмытом!

Умой ортчиз таиз но ар —

Шунды пиштӥз, вордскиз пинал…

Тау со понна, Улон, Инмар,

Тау, 365 нунал.

Удмурт Дунне
By Удмурт Дунне Декабрь 30, 2015 09:35
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<