Украиналэн пунэмъёсыз, Россиысь выль арлы ӝӧк дун но Сьӧлтлась МФЦ

Удмурт Дунне
By Удмурт Дунне Декабрь 22, 2015 12:06
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

украина долгДуннеын

Пунэмъёсыдлэсь уд пегӟы

Пум понэмын Украиналэн пунэмъёсызъя ченгешонын: Валютая калыккуспо фонд дурбасьтӥз Россилы.

2 ар талэсь азьло Украина Россилэсь 3 миллиард доллар пунэмаськиз. Сое берыктон дыр вуиз но, Украина пумитъяськыны кутскиз: со, пе, коммерческой кредит, озьыен, Россия но, мукет кунъёсысь банкъёс сямен, пунэмзэ 20 процентлы кулэстыны но сое пытсанэз берлолы кельтыны кулэ.

Валютая калыккуспо фонд пуктӥз: Украиналы висъямын кун кредит, сое Россилы берыктоно декабрь пумозь. Киевлэн тодаз уськытэмын: пунэмзэ ӧз пытса ке, Украинаын дефолт луоз.

 

Россиын

Дуно праздник

Статистикая кун служба ивортэмъя, 2016-тӥ арез пумитаны семья шорлыдын 5 сюрс 790 манет быдтоз.

Выль арлы ӝӧк пуктон туэ, кылем арен ӵошатыса, 28 процентлы дуногес усёз. Лыдэ басьтэмын 23 пумо сиён-юонлэн дуноямез: сӥльлэсь сиёнъёс, сыр, емышъёс но чорыг мызь. Россиысь 63 процентэз адямиос пусйизы, праздникез паськыт уз пусъе, уксёзэс шыръялозы шуыса.

 

 

мфцУдмуртиын

Юрттэт — огпол вазиськемен

Сьӧлта черкогуртын ӧсъёссэ вӧлъяз многофункциональной центр — сое усьтонэ пыриськиз Удмурт элькунлэн Тӧроез Александр Соловьёв.

Сьӧлталась МФЦ ужзэ мытэм дырысен отчы вазиськиз ни 80 адями: озьы  сьӧлтаослэн но луонлыксы кылдӥз 100 пумо кун услугаосты огпол вазиськемен басьтыны. Ёрос центрлэсь палэнын, Колесурын но Выль Мӧньяын, улӥсьёслэсь вазиськонъёссэс кутозы МФЦ-лэн та гуртъёсын ужась адямиосыз — калыклы сюрес вылын курадӟоно уз луы.

Туннэ нуналлы шаермылэн пӧртэм сэрегъёсаз ужзэс радъяло 27 МФЦ-ос но 1 сюрслэсь ятыр улћсьёсын поселениосын солэн 83 ёзъёсыз. Вуоно арлэн кутсконаз МФЦ-ос 32 луозы. Соос ужалозы  котькуд городын но черкогуртын. Озьы асьмеос быдэстомы Президентлэсь В. Путинлэсь косонзэ, шуиз А. Соловьёв.

Дасяз Елена Никитина

Туспуктэм: nepravda.in.ua 

Туспуктэмъёсыз А. Горбуновлэн.

Удмурт Дунне
By Удмурт Дунне Декабрь 22, 2015 12:06
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<