Алнашын воргоронъёсты сӥлы каро

Удмурт Дунне
By Удмурт Дунне 9 декабря, 2015 11:34

Витетӥ арзэ ни, «Удмурт Кенеш» огазеяськонлэн ёросысь ёзэз но ёрос администрация сюлмаськемен, Алнаш районысь котыр ласянь адӟем карымон воргоронъёсты пусъё Трофим Борисовлэн премиеныз.

трокайчик

Алнаш ёрослэн Т. Борисов нимо премиеныз пусъемын А. Захаров но И. Колпаков.

Та аръёс ӵоже 12 пиосмурт сӥлы каремын. Та нуналъёсы радазы эшшо 2-ез ватсаськизы: Иван Колпаков но Анатолий Захаров. Кыксы но трос кужымзэс понӥзы ёросэз азинтонэ.

Иван Колпаков вордӥсь-кемын но будэмын Асангуртын, кык вылӥ образованиез, экономика наукаосъя кандидат. Пӧртэм удысъёсын ужамын. Ас вакытаз ёросэн кивалтӥз, газ кыскыны сюлмаськиз. Али Татьяна Константиновна кузпалэныз улэ Черногориын. Но палэнын улыса но, уг вунэты ас вордӥськем шаерзэ, вань иворъёсты тодэ, алнаш музъем вылын ортчись воштӥськонъёсты син азяз возе. Юрттӥське ёросэ улыны кылем 3 нылпиосызлы но 6 внукъёсызлы.

Удмуртиысь культура удысысь дано ужась Анатолий Захаров трос аръёс ӵоже ни Алнашысь искусствоосъя школаын пиналъёсты суреданы дышетэ, кык вылӥ образованиез. Кутскиз со ужан сюрессэ школаын огшоры дышетӥсь луыса. Дас арлэсь кема кивалтӥз ёрос администрациысь культурая ёзэн. Со кивалтон вакытэ Алнашын усьтэмын 3 музей, Азамат но Байтэрек клубъёс, Асан техникумысь искусствоосъя школа, ӝутыны кутскемын Алнашысь искусствоосъя центр. Искусствоосъя школалэн директорез но вал. Солэн дышетэм нылпиосыз конкурсъёсын вормисьёс луылӥзы. Кузпалэныз Фарида Ильтимировнаен 3 нылпи будэтӥзы. Али 10 внукъёссэс ӝутыны юртто.

Кыксэ но лауреатъёсты Алнашысь культурая юртын данъязы ёрос кивалтӥсьёс, ӵыжы-выжыоссы.

Озьы ик та сцена вылын данъязы на Г. Ходырев нимо премилэсь лауреатсэ но. Таяз вожвылъяськонэ пыриськизы 7 пиналъёс. Комиссилэн ёзчиосыз эскеризы конкурсэ вуэм вань ужъёсты. Озьы туэ лауреат луыны шуд усиз Усо школаын 11-тӥ классын дышетскись Марина Христофоровалы. Нылаш мыло-кыдо гожъя кылбуръёс. Соос печатласько ёрос но элькун газетъёсын-журналъёсын. Со дыре ик нылаш вуттэ ӟеч дышетскыны. Олимпиадаосын вормылэ, мыло-кыдо пыриське школаын ортчылӥсь ужрадъёсы, егит гожъясьёслэн «Ошмес син» огазеяськонзылэн занятиосаз ветлэ.

Выль Утчанысь Инна Нянькиналы но Байтэрекысь Полина Куликовалы сётэмын на буйгатӥсь кузьым. Таосыз но нылъёс вань мылкыдзэс поныса гожъясько, школаын но адӟем карымон луо.

Людмила Сурчакова

Туспуктӥз автор

Удмурт Дунне
By Удмурт Дунне 9 декабря, 2015 11:34
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<