«Задор мылкыд» фольклор ансамбль концерт сёт

Удмурт Дунне
By Удмурт Дунне 3 декабря, 2015 14:23
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
_DSC2783

Дэри ёросысь Лудорвай гуртысь Романов кузпалъёс.

Калык люкаськиз Ижысь Ленин ёросысь «Спартак» юртын.

— Коллективмы кылдэм дырысен ар гинэ ортчиз ай, — вера ансамбльлэн кивалтӥсез Юлия Елдынева. — Талэсь азьвыл ми ваньмы Ленин ёросысь «Эшъёс» но «Ӟардон» ансамбльёсын кырӟамы. Бӧрысь асьме понна кариськыны шӧтамы, эшъёсмылэсь яна потыса, «Задор мылкыд» ансамбль кылдытӥмы, ваньмыз-ӧвӧ-лэз 10 адями люкаськимы. Асьмелы сцена вылэ потаны нимысьтыз дӥськут вурытӥмы. Та дыр куспын ми пӧртэм ужрадъёсы пыриськылӥм ини.

Кырӟам-верам сяна, маскаръяськыны но устоесь. Кылсярысь, Юлия Михайловна вакчиесь серемес чуръёсыныз учкисьёсты пукон интыязы ик уськытъя — соосты со сыӵе маскара мадьыны быгатэ.

Нылкышноос пӧлын одӥг-ог воргоронъёссы но вань ини. Ансамбль кылдэм дырысен ик арганэн шудэ Пётр Кузьмин, нош мандолинаен — Геннадий Кузьмин. Геннадий Константинович — техника наукаосъя кандидат. 32 ар ӵоже Ижысь механикая институтын студентъёсты дышетэмын. Со классикъёслэсь произведениоссэс мандолинаеныз шудэ, учкисьёсты паймытъя. Та толэзе гинэ ай ансамбле кырӟаны куриськем Геннадий Волков. Со ачиз ик крезьгуръёс гожъя, арганэныз шудыса, ачиз ик кырӟа. Синмаськымон кырӟа Михаил Долганов.

— Кинлэн кырӟаны-вера-ны мылкыдыз вань, ми нокинэ ум палэнтӥське, ваньзэ бордамы кутӥськом, — шуэ Юлия Михайловна.

«Спартакын» концерт учкем сяна, ми выль эшъёс но шедьтӥм на. «Задор мылкыд» ансамбле ветлӥсь нылкышноос пӧлысь 7-ез «Удмурт дунне» газетлы гожтӥськизы.

Иже басьяськыны лыктыса, концерт сярысь ялонэз адӟыса, юри «задор мылкыдъёсты» учкыны лык-тӥллям Дэри ёросысь Лудорвай гуртысь Татьяна но Валерий Романов кузпалъёс.

— Туэ ар понна газетлы гожтӥськытэк кылём ни, кожасько вал, — вера Татьяна Николаевна. — Кылем арын но озьы ик газетэз лыдӟытэк улӥськиз. Со понна юри почтае мыныны кулэ ук. Туж умой ай, тани татын гожтӥськыны быгатӥм.

— Кызьы газетэз лыдӟы-тэк улод, — шуэ «Ӟардон» ансамбльын кырӟась Людмила Евдокимова. — «Удмурт дуннетэк» удмурт адямилы мӧзмыт. Мар луэ шаерамы, газетысь ваньзэ дырыз дыръя тодыны луэ.

Любовь Тихонова

Удмурт Дунне
By Удмурт Дунне 3 декабря, 2015 14:23
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<