Удмурт театр «Жингрес сӥзьыл» спектактль пуктэ

Удмурт Дунне
By Удмурт Дунне 3 декабря, 2015 14:12
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

жингрес сӥзьылБорис Бегишев но Настя Грачёва ог-огзэс ярато. Пияш кык арнялы кошке, ӵыжы-выжыосызлы туганэзлэсь нимзэ гинэ шарая — Настя. Борислэн песянай-песятаез кема малпаськыса уг уло, асьсэос кен курало. Озьы коркаязы вуэ Настя Сорокина.

Тодмо нимъёс но тодмо учыр. Соку ик син азе пуксе удмурт драматурглэн Игнатий Гавриловлэн «Жингрес сӥзьыл» пьесаез. Ӵапак та спектаклез Удмурт театр учкыны ӧте 4-тӥ но 5-тӥ толсуре. Удмурт классикаез выль сямен пуктэ театрлэн валтӥсь режиссёрез Алексей Ложкин.

Нырысьсэ «Жингрес сӥзьыл» Удмурт драмтеатр-лэн репертуараз кылдӥз 1964-тӥ арын, сое пуктӥз режиссёр Геннадий Веретенников. 1988-тӥ арын пьеса нош ик сцена вылэ берытскиз,  та рад режиссёр вал Леонид Романов. Табере пьеса борды басьтӥськиз Алексей Ложкин. Кароно-а спектаклез туала яке азьвыл манерен ик пуктоно? Режиссёр бырйиз кыкетӥзэ.

— Котькуд адямилэн улоназ вань сыӵе вакытъёс, кытчы солэн берытскемез потэ, кытын ваньмыз ӟеч, капчи, — вера Алексей Ложкин. — Выль спектакль уз луы  авангард шӧмо, татын уз чузъяськы пелез вандӥсь крезьгур, калык уз адӟы спецэффект шуонъёсты но. Валтӥсь интые пото адями кусыпъёс но мылкыдъёс.  Со вакытэз умойгес усьтон понна чузъяськозы тодмо но сюлэмлы матын луэм гуръёс. Артистъёс быдэстозы Николай Шкляев крезьгурчилэсь чебересь кырӟанъёссэ. Кин ке, спектаклез учкыса, ортчем аръёсаз берытскоз, нош кин ке  со ортчем вакытэз аслыз  нырысьсэ усьтоз.

Настя Грачёвалэсь рользэ шудӥсь актриса Марина Самсонова верамъя, спектакль тунсыко потоз егит калыклы.

— Спектакль сыӵе шуныт мылкыд кельтэ. Азьло аръёсы егитъёс ваньмызлы дыр шедьто вылэм: ужаны, шулдыръяськыны, супыльтыны. Гочано соослэн яратонзылы но. Туала вакытэ егитъёс гожтӥсько но, кык толэзь улыса, люкисько ини яке чик кузпалъяськытэк уло. Нош та спектакль возьматэ: валтӥсь интыын — семья,  — шуэ Марина Самсонова.

М. Самсонова, валтӥсь ролез шудэм сяна, художник-постановщик но луэ. Пусйыны кулэ, выль «Жингрес сӥзьылын» кык состав артистъёс ужало. Кылсярысь, Борис Бегешевлэсь рользэ шудо Сергей Наговицын но Константин Никитин, Паримонлэсь — Геннадий Бекманов но Пётр Романов, Тимофеевналэсь — Екатерина Яковлева но Елена Сунцова. Котькуд артист ролез пушкы быдэсак сылме. «Жингрес сӥзьыл» котькуд учкисьлы ӟеч но капчи мылкыд кузьмалоз, чебересь малпанъёссэ яке тодэ ваёнъёссэ сайкатоз. 12+

Наталия Панфилова

Удмурт Дунне
By Удмурт Дунне 3 декабря, 2015 14:12
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<