Зинаида Рябинина: Нунал но, уй но — анайлэн

Удмурт Дунне
By Удмурт Дунне Ноябрь 27, 2015 09:36
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Кӧня ке ар талэсь азьло выль праздник малпамзы бере со ньӧмыз понна гинэ луоз кадь йӧтэ вал. Вань ук ини 8-тӥ Март. Но анаез гажан, тау Инмарлы-а, асьсэлэн анайёслэн  шонер будэтэмзылы-а, асьме пӧлын бадӟым ик вылэм, табере тани сое котькытын паськыт пусъё.зк вера

Та нуналэ кивалтӥсьёс данъяло умой но трос нылпи будэтэм нылкышно-осты, нош нылпиоссы уг жаляло шуныт кылзэс, уг жаляло сяська басьтыны коньдонзэс. Кемалась синмаськисько пичи пургаослэн кичӧлтонзылы — ёросысьтызы адӟем карымон нылкышноосты соос арлы быдэ пусъё «Пичи Пурга ёрослэн нылыз» нимын. Таяз арня вискын редакциысьтымы куинезлэн нылъёсмылэн: Елена Миннигараевалэн, Елена но Ольга Никитинаослэн — туж бадӟым данъяськон мугзы: соослэсь анайёссэс пусйизы. Малпасько, котыр ласянь адӟем карымон луэменызы нылъёс но дуро анайёссылэсь данзэс. Вазенгес таӵе нимын ик пусъемын мукетызлэн ужасьмылэн — Любовь Тихоновалэн — анаез.

Пурга клубысь сомында калыкез адӟыса, вожъяськыса быриськиз: котькуд данъям нылкышноез нылпиоссы-кенъёссы-эмеспиоссы-внукъёссы сяськаосын согизы, анай синъёс шудэн пальпотӥзы.

Мон лыдъясько, со туж шонер — адямилэсь данзэ, ужъёсыныз сяна, нылпиосыныз но дунъяны. Куке но кемалась ай, пинал дыръям, радио пыр тунсыко вераськонэз кылӥ. Пенсия  тыронын, пе, умой луысал лыдэ басьтыны, кӧня пинал вордӥз  адями, кыӵе соосты будэтӥз.  Соку мон мазэ-созэ рос-прос ӧй но вала, дыр, но малпай,  иське, анаез возьытэ уськытонтэм но ёрмонэз тодонтэм понна туж тыршись луоно. Али пенсиос сярысь вераськемъёслы быдэ со тодам лыктэ. Шонерлэсь но шонер верам вылэм ук визьмо адями — учке ай, кин ке одӥг пинал вордэ, нош кин ке — ньыль-вить. Кинлэн семьяез кунлы тросгес пайда вае, выт тыре? Зэм, улонын луылэ мыддорин сямен но: трос нылпи пӧлысь одӥгез но калык рад уг луы, ужатэк, йыртэмаса улэ, нош мукетызлэн одӥг-кыкез но дассэ воштэ — тӥни соин ик чак-лано кызьы будэтэмез. Но та ӵектонэз малы ке лыдэ уг басьто, ваньзэс ӵошкато. Соин ик анайёсмы пичи пенсиоссы понна кӧтӝожзэс мед веськатозы, нылпиосынызы данъяськыса.

Праздникен, анайёс!

Удмурт Дунне
By Удмурт Дунне Ноябрь 27, 2015 09:36
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<