Удмуртиысь культура 2013-тӥ-2020-тӥ аръёсы

Удмурт Дунне
By Удмурт Дунне Ноябрь 26, 2015 13:38
соловьёв

Таиз ар быдэсак сямен сӥземын вал П. Чайковскийлэн 175 аръем юбилеезлы но Быдӟым Вормонлы 70 ар тырмонлы.

Удмуртиысь культурая но туризмъя министр Владимир Соловьёв журналистъёслы вераз, кызьы быдэсъяське «Удмуртиысь культура 2013-тӥ-2020-тӥ аръёсы» программа.

 Удмуртия чузъяськиз

Таиз ар быдэсак сямен сӥземын вал П. Чайковскийлэн 175 аръем юбилеезлы но Быдӟым Вормонлы 70 ар тырмонлы. Дано улосчимылы сӥзьыса, шаерамы 20-лэсь уно концертъёс ортчизы, отчы пыриськизы быдэс дуннелы тодмо артистъёс. Та ужрадъёсты учкиз 12 сюрс 162 мурт.

— Йылаз-пумаз вуттэмын  Воткинскысь П. Чайковскийлэсь музей-усадьбазэ выльдон.  Туэ гинэ та музее экскурсие вуылӥзы 110 сюрслэсь ятыр адямиос, миым та лыдпус 2 поллы ичигес вал тупатъян ужъёсын валче. Туннэ та музей сярысь тросэз тодо ни. Уно туристъёс вуо Пермьысь, Казаньысь. П. Чайковскийлэн юбилееныз валче шаермы быдэс Россилы кылымон чузъяськиз. Сое ик возьмато Москваын Удмуртилэн арезлы сӥзем нуналъёс. Котькыӵе удысын сямен ик, культураын но шуг-секытъёс шедё, но шумпотыны но мугъёс вань, Москваын милемды кылӥзы, кенешонъёс пайдаё ортчизы, — шуиз Владимир Соловьёв.

Москваысь Христос Спасительлэн храмезлэн одӥгаз залаз ортчиз Удмуртилэсь нуналъёссэ сћё-дано ворсан. 1 сюрс 200 интылы чаклам залын шаерысьтымы усточиос бадӟым концерт возьматӥзы. Москваысь калыкез шулдыртӥзы «Айкай» театр, «Италмас» ансамбль, «Чебеляй» студия, Валентина Пудова, Анна Плотникова но мукетъёс.

Вормон выжыкыл

Быдӟым Вормонлы 70 ар тырмонлы сӥзем ужрадъёс умой дасямын вал.

— Республикалэн бюджетысьтыз висъямын вал коньдон шаерысьтымы 32 буре ваён объектъёсты выльдонлы. Табере соос Россиысь кун  реестре пыртэмын но лыдъясько культурая но историяя синпелетэн. Вань на юан Нагорной шайвылъя, матысь кык-куинь ар куспын со но выльдэмын луоз, — шуиз Владимир Соловьёв.

Войналы но Быдӟым Вормонлы сӥзем концертъёс, постановкаос ортчизы котькуд городын но ёросын. Кылсярысь, Мунё театр возьматӥз ож но тупаса улон сярысь «ПроЖить» выжыкыл. Постановка дасямын ӟуч писательлэн, драматурглэн Андрей Платоновлэн веросъёсызъя. Та спектаклез синйылтӥзы Россиысь «Зарни маска» фестивалез ортчытӥсьёс. Озьы Мунё театр пыртэмын Россиысь 2014-тӥ-2015-тӥ аръёсы театр сезонлэн тужгес усто спектакльёсыз пӧлы.

 Галина Семёнова

Удмурт Дунне
By Удмурт Дунне Ноябрь 26, 2015 13:38
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<