«Удмурт дунне» ортчытэ конференция

Удмурт Дунне
By Удмурт Дунне Ноябрь 3, 2015 11:37
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

конференция«Удмурт дунне» газетлы 100 ар но удмурт национальной печатьлы 110 ар тырмонэн валче 2015-тӥ арын 20-тӥ ноябре ортчоз «Россиысь ивор вӧлмытон ёзъёсын улосвыл но национальной прессалэн интыез» научно-практической конференция.

Конференциын эскерыны чакламын таӵе ужпумъёсты:

— улосвыл но национальной пресса кунлэн воштӥськон вакытъёсаз,

— улосвыл но национальной прессалэн Быдӟым Вормонэз дуронын интыез,

— национальной пресса 21-тӥ даурлэн кутсконаз — выжы калыкъёслэн улӟон вакытазы,

— «Удмурт Республикаысь кун кылъёс сярысь» законэз улонэ пыӵатон амалъёс,

— «Удмурт дунне» газетлэн кылдэмез, азинскемез, ӝутэм ужпумъёсыз,

— «Удмурт дунне» газетлэн пӧртэм вакытъёсы ужамез, туала нуналэз,

— удмурт литературной кыл но Удмурт Элькунысь кыл политика,

— удмурт ивор вӧлмытон ёзъёслэн (печать, радио, телевидение, интернет-сайтъёс) кылзы,

— литературной кыллэн эсэпъёсыз теориын но практикаын,

— ивор вӧлмытон ёзъёслэн туала кылзы: вужзэ берыктон яке выльдӥськон, ӟучомон яке бигермон?

— ивор вӧлмытон ёзъёсын кутӥськись выль кылъёс но диалектизмъёс,

— удмурт кыл рекламаын, пусъёсын, инты нимъёсын,

— удмурт дикторъёслэн (передача нуисьёслэн) вераськон кылзы,

— «Удмурт дунне», «Ӟечбур!», «Кенеш», «Инвожо», «Вордскем кыл», «Кизили», «Ошмес», «Иднакар» журнал-газетъёслэн но ёрос приложениослэн гожъяськон кылзы,

— удмурт диаспораослэн газет кылзы,

— кыллюкам кылдытон история но туала практика,

— туала удмурт кылын кыл кылдытон,

— удмурт кылын выль синтаксической конструкциос,

— удмурт литератураын редактировать карон ужпумъёс,

— ивор вӧлмытон ёзъёсын шонер гожъяськон ужпумъёс,

— газет-журнал поттон удысысь мукет юанъёс.

Ӧтиськом тодосчиосты, журналистъёсты, писательёсты, редакторъёсты, дышетӥсьёсты, студентъёсты но ваньзэ та юанъёсын тунсыкъяськисьёсты.

Конференцие куриськонъёсты ыстоно 10-тӥ ноябрёзь skl-44@yandex.ru адресъя.

Пыриськыны луэ заочной амалэн но.

Конференцилэн темаезлы тупасьтэм ужъёсты оргкомитет палэнтыны быгатэ.

Конференцилэн йылпумъянъёсызъя поттэмын луоз научной статьяосын справочник. Статьялэн быдӟалаез 10-12 бамлэсь бадӟымгес луыны кулэ ӧвӧл (12-тӥ кегль, 1,5 интервал).

Юалляськоно (3412) 73-33-42 телефонъя — «Удмурт дунне» газетлэн приёмноез,  (3412) 916-166 — Удмурт кылосбуръя, финно-угроведениея но журналистикая институт.

«УД»

 

Удмурт Дунне
By Удмурт Дунне Ноябрь 3, 2015 11:37
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<